Црква „Св. Димитриј“ - Габрово

Свети Димитриј — главна селска црква во селото Габрово. Црквата е сместена во северниот дел од селото, непосредно на десната страна од патот кој води од Делчево.

Свети Димитриј
Поглед на црквата
македонска православна црква
Епархија	Брегалничка
Архијерејско намесништво	Делчевско
Парохија	Ѕвегорска
Местоположба
Координати	41°59′19.8″N 22°47′53.5″E
Место	Габрово (Делчевско)
Општина	Делчево
Држава	Македонија
Општи податоци
Покровител	Свети Димитриј Солунски
Изградба	11 октомври 2005
Завршено	2017/2018
Архитектонски опис

Историја

Камен-темелник за изградба на црквата бил поставен на 11 октомври 2005 година од страна на тогашниот Митрополит Брегалнички г. Агатангел. Градбата е проектирана од страна на архитектот Ѓорѓи Јанковски. Црквата е градена со помош на донации од верници, при што најголем дел биле од иселеници во Швајцарија.

Архитектура

Градбата на црквата претставува крстокуполен храм, при што куполата е со осумаголна основа и на секоја од осумте страни има по една тенка монофора. Монофори исто така има и низ ѕидовите на црквата. Во предниот дел од градбата, непосредно пред влезната порта, се издига камбанаријата која е прилепена до градбата на главниот објект. Таа има квадратна основа и до нејзината влезна порта водат странични кружни скали. Градбата е обоена во бела боја, додека рабовите на ѕидовите се обложени со темно-црвена. Целата градба заедно со камбанаријата се покриени со кров од ќерамиди. Пред црквата има дрвена информативна табла на која е насликан Свети Димитриј Солунски.

Галерија

• 
  Информативната табла пред црквата

Поврзано

• Делчевско архијерејско намесништво
• Ѕвегорска парохија
• Габрово

Надворешни врски

• Црква „Св. Димитриј“ - Габрово на Ризницата ^?