Црква „Св. Димитриј“ - Брештени
Свети Димитриј (грчки: Aγίου Δημητρίου) — црква во селото Брештени, Костурско, Егејска Македонија. Влегува во состав на Костурската епархија на Цариградската патријаршија.[1][2]
| Свети Димитриј | |
|---|---|
| Aγίου Δημητρίου | |
 | |
| 40°27′6″N 21°10′17″E / 40.45167° СГШ; 21.17139° ИГД | |
| Место | Брештени, Костурско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Изградба | XVIII век |
| Управа | |
| Архијерејско намесништво | Желгошко |
| Епархија | Костурска |
Црквата е изградена на почетокот на XVIII век на околу еден километар северозападно од селото под името „Св. Константин и Елена“, додека главниот храм во селото била друга црква „Св. Димитриј“. Подигната е врз темелите и со материјал на ранохристијанска гробишна базилика. Во 1743 г. голем дел од жителите на Брештени се потурчиле и попот Јован, за да го сопре процесот на исламизација поставил во храмот икона на Христос Семоќниот Судија, која е зачувана во храмот до денешен ден.
Во периодот од 1826 до 1831 г. во Брештени работел истакнатиот зограф Аргир Михајлов, кој во гробишната црква „Св. Константин и Елена“ изработил три скапоцени фрески и неколку преносливи икони, кои можат да се видат и денес. Најубава од овие фрески е онаа на светите Константин и Елена, сместена на местото посветено на покровителскиот светител бидејќи тогаш храмот сè уште бил посветен на нив.
Муслиманското население на селото се намножило и во 1850 г. месниот бег ја срушил тогашната црква „Св. Димитриј“ на сретселото и на нејзино место изградил џамија. Поради ова, христијаните ја обновиле и доградиле (во должина) малата гробишна црква, пренесувајќи ги иконите од срушениот храм и преименувајќи ја во „Св. Димитриј“. Во 1902 г. за време на митрополитот Герман Каравангелис храмот е повторно обновен и во него е поставен владички престол, со натпис од грбната страна кој го опишува настанот. Во 1965 г. жителите на Брештени (Македонците и доселените Грци) изградиле нова црква во селото, која во добила името „Св. Константин и Елена“.[2]
- Фрески на Аргир Михајлов
-
Св. Констатин и Елена -
Поклонение на Исус -
- Икони
-
-
-
-
-
-
Богородица Патеводителка -
Богородица со Младенецот -
-
Поврзано
уредиНаводи
уреди- ↑ „Άγιος Δημήτριος ο Μυροβλύτης (+ 26 Οκτωβρίου), ο αγαπημένος άγιος του φιλοχρίστου λαού της Καστοριάς“. Φως της Καστοριάς. 3 октомври 2013. Посетено на 20 август 2015.
- ↑ 2,0 2,1 „Ο ναός του Αγίου Δημητρίου Αυγής (18ος αιών)“. Φως της Καστοριάς. 25 октомври 2016. Посетено на 3 ноември 2016.
Надворешни врски
уреди
Црква „Св. Димитриј“ - Брештени на Ризницата ?
