Црква „Св. Власиј“ - Бер

црква во Бер, Егејска Македонија

Свети Власиј (грчки: Αγίου Βλασίου) — средновековна црква во градот Бер, Егејска Македонија. Влегува во состав на Берско-негушко-камбаниската епархија на Цариградската патријаршија.[1][2] Храмот е дел од парохијата „Св. Петар и Павле“.[3] Прогласен е за споменик на архитектурата.

Свети Власиј
Αγίου Βλασίου
Поглед на црквата
Карта
40°31′15.90″N 22°12′13.07″E / 40.5210833° СГШ; 22.2036306° ИГД / 40.5210833; 22.2036306Координати: 40°31′15.90″N 22°12′13.07″E / 40.5210833° СГШ; 22.2036306° ИГД / 40.5210833; 22.2036306
МестоБер
ЗемјаЕгејска Македонија, Грција
ВероисповедЦариградска патријаршија
Архитектура
Културнонаследна категоријаспоменик на културата
ЗавршенаXIV век
Управа
Архијерејско намесништвоБер
ЕпархијаБерско-негушко-камбаниска

Архитектура уреди

Оваа доцновизантиска црква е изградена на почетокот на XIV век како еднокорабна базилика со шестстрана апсида на исток. Малку подоцна на јужната страна е додаден портик. Во XVI век обликот му е радикално променет, кога се урнати делови од северната и целата западна страна, и на нивно место се направени два големи лака.[1][2]

Живопис уреди

Хрмаот е живописан со вредни фрески во XIV, XVI и XVIII век. Првичните фрески се датирани околу 1320 г. и се наоѓаат на источниот ѕид на наосот, меѓу кои се истакнуваат оние на Богородица во полн раст со малиот Исус и два ангела, Благовештението, Вознесението, Рождеството Христово, Сретението Господово, како и на светецот-покровител Власиј во полн раст и сцени од неговиот живот. Многу фрески во средишниот кораб се од XVI век, а од XVII век се оние на северниот ѕид на наосот.[1][2]

Галерија уреди

 
Апостолски фриз, XIV век. Од лево надесно: Јаков, Андреј, Тома, Марко, Лука, Петар, Богородица, Христос и Јован Претеча, Матеј, Јоан, Вартоломеј, Симон и Филип

Поврзано уреди

Наводи уреди

  1. 1,0 1,1 1,2 Πέτκος, Αντώνης. „Ναός Αγίου Βλασίου“. Υπουργείο Πολιτισμού και Αθλητισμού. Архивирано од изворникот на 2022-07-02. Посетено на 18 мај 2014.
  2. 2,0 2,1 2,2 „Άγιος Βλάσιος“. Discover Veria. Посетено на 30 јули 2016.
  3. „Ενορίες“. Ιερά Μητρόπολη Βεροίας, Ναούσης και Καμπανίας. Посетено на 30 јули 2016.

Надворешни врски уреди