Црква „Св. Великомаченик Димитриј“, Нов Белград
Црквата „Свети Великомаченик Димитриј“ е Српска православна црква во Нов Белград во Блок 32.
Црковниот комплекс се наоѓа помеѓу улицата Омладински бригади и булеварот Зоран Ѓинѓиќ на адреса Омладинска бригада 3а. Припаѓа на Белградско-карловачката архиепископија.[1]
Свети великомаченик Димитриј Солунски
уредиХрамот е посветен на Свети Димитриј Солунски, кој бил христијански светец и живеел во Солун на почетокот на IV век. Тој е почитуван како еден од најзначајните православни војници меѓу светителите. Се празнува на 8 ноември според Грегоријанскиот календар, односно на 26 октомври според јулијанскиот календар.
Историја на изградбата на храмот
уреди
Земјиштето за храмот на Свети великомаченик Димитриј е осветено на Митровден, 8 ноември 1996 година, додека српскиот патријарх Павле ги осветил темелите на храмот на 15 ноември 1998 година. Изградбата на храмот започнала на 22 април 1998 година со прекин на градба во периодот од септември 1998 год до јуни 1999 година. Работите на изградбата на храмот ги изврши КМГ Трудбеник како главен изведувач. Храмот во основа е широк 29 m и долг 23 m во форма на впишан крст, направен така што неговата корисна површина е околу 500 m². Врвот на куполата на храмот е висок 29 m, а со крстот кој го краси е висок 32 m. До храмот има објект со камбанарија, канцеларија за свештениците, две галерии и стан за чуварот на храмот. Врвот на куполата на камбанаријата е висок 31,73 m. На Митровден, 8 ноември, 2001 година, Неговата Светост Српскиот Патријарх Павле ги освети крстовите за двата објекта. На почетокот на 2015 година започнала работа на фасадата на храмот, како и во неговата внатрешност.[2]
Верски објекти во Нов Белград
уреди- Црква Свети Симеон Мироноточив во Нов Белград
- Црква Свети Василиј Острошки во Нов Белград
- Црква Свети Ѓорѓија во Бежанија
- Црква на Светиот апостол Тома
Наводи
уреди- ↑ Званична страница Храма
- ↑ „Радови на фасади храма Светог Димитрија Солунског“. Архивирано од изворникот на 28 април 2017. Посетено на 11 април 2019.
Надворешни врски
уреди- Официјална веб-страница на црквата Свети великомаченик Димитриј
- Место на Српската православна црква Архивирано на 24 февруари 2011 г.
- Локација на Белградско-карловачката архиепископијаАрхивирано на 3 јануари 2020 г.