Црква „Воведение на Пресвета Богородица“ - Драма (XIX век)
Воведение на Пресвета Богородица (грчки: Εισόδια της Θεοτόκου) наречена и Стара митрополија (Παλαιάς Mητροπόλεως) — црква во градот Драма, Егејска Македонија. Порано била катедрален храм на Драмската епархија на Цариградската патријаршија.[1][2]
| Воведение на Пресвета Богородица | |
|---|---|
| Εισόδια της Θεοτόκου | |
 Поглед на црквата | |
 | |
| 41°9′4″N 24°8′36″E / 41.15111° СГШ; 24.14333° ИГД | |
| Место | Драма |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | XIX век |
| Управа | |
| Епархија | Драмска |
Историја
уредиХрамот е изграден на местото на византиска или ранопоствизантиска црква, целосно обновена во 1721 г. од епископот Партениј Драмски.[2][3] За оваа обнова се знае од мермерна плоча вградена во соседната митрополитска зграда.[2] Од ракописна литургија од 1735 г. која се чува во олтарот, се знае дека прв ктитор на храмот бил епископот Фотиј Филипски, што значи дека црквата е изградена пред 1300 г., кога Драма е одвоена од Филипската митрополија.[2] Црквата е опишана на почетокот на XVIII век од францускиот патописец Пол Лика.[2] По разорниот земјотрес од 1829 г. храмот претрпел целосна обнова која траела од 1834 г.[3] па сè до 1975 г.
Според Асен Василиев, градител на црквата е Јанкул Силјанов од Тресонче.[4]
Архитектура
уредиХрамот претставува трикорабна базилика со двоводен покрив, типичен за тоа време,[1][3] Има скромна надворешност.[5] Во дворот има чешма и мраморно корито. Има двавлеза — еден од запад и еден од север. Трета врата води до женската црква и камбанаријата, подигната во 1893 г. Мала врата води од жртвеникот на исток кон дворот.[5]
Внатрешноста е поделена на три кораба со два реда од по седум столбови.[5] Од старините зачувани се вредниот резбан иконостас од почетокот на XIX век, владички престол, амвонот и проскинитар.[1][5] Има забележителни икони од 1850, 1864, 1865 и 1871 г. Нивни автори се Серги Георгиев од Неврокоп, Антим од Неврокоп и Димитар Неделчев од Караќој. Една икона на Свети Спиридон на владичкиот престол е дело на Јаков Мелнички: χειρ Ιακώβου Ν. Μελενικίω ετος αων' (= 1850).[3][6][7] Во апсидата е зачувана фреска на која е претставено Симнувањето од крстот, потпишана долу од Димитар Неделчев.[5] Во 1917 г. бугарската војска однела вредно ракописно евангелие, кое денес се чува во Националната библиотека „Св. Кирил и Методиј“ во Софија.[3]
Во 1971 г. е урнат предниот дел на црквата, за да може да се гледа новата катедрала.[5] Во 1975 г. црквата е прогласена за заштитен споменик на културата.[1][2]
Поврзано
уредиНаводи
уреди- ↑ 1,0 1,1 1,2 1,3 „ΥΑ Α/Φ27/40030/2-9-1975 - ΦΕΚ 934/Β/6-9-1975“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2014-11-09. Посетено на 9 ноември 2014.
- ↑ 2,0 2,1 2,2 2,3 2,4 2,5 Βασλή, Δήμητρα (јули 2002). Η Δράμα και η ιστορία της (PDF). стр. 36. Посетено на 26 ноември 2016.
- ↑ 3,0 3,1 3,2 3,3 3,4 „2500 χρόνια ιστορίας σε 60'. Πολιτιστική Διαδρομή στην πόλη της Δράμας“ (PDF). Δήμος Δράμας. Архивирано од изворникот (PDF) на 26 ноември 2016. Посетено на 25 ноември 2016.
- ↑ Василиев, Асен (1965). Български възрожденски майстори: живописци, резбари, строители. София: Наука и изкуство. стр. 152.
- ↑ 5,0 5,1 5,2 5,3 5,4 5,5 Βασλή, Δήμητρα (јули 2002). Η Δράμα και η ιστορία της (PDF). стр. 37. Посетено на 26 ноември 2016.
- ↑ „Ιστορία Πλεύνας-Πετρούσας. Η Παλαιά Εκκλησία Πλεύνας και άλλες 32 Μεταβυζαντινές Εκκλησίες στο Νομό Δράμας“. Τα Νέα της Πετρούσας. Посетено на 14 ноември 2014.
- ↑ Ζήκος, Θωμάς Ε. „Ο ναός του Αγίου Αθανασίου στο Άγκιστρο του Νομού Σερρών“ (PDF). Σερραϊκά Σύμμικτα: 105. ISSN: 1792 – 5045.