Црква „Вознесение Христово“ - Долнени

Вознесение Христово — главна селска црква во селото Долнени.^[1] Сместена е во северниот дел од селото.

Местоположба
Вознесение Христово

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Долненско-секиречка

Координати	41°25′38.5″N 21°27′14.2″E / 41.427361° СГШ; 21.453944° ИГД / 41.427361; 21.453944
Место	Долнени
Општина	Долнени
Држава	Македонија
Општи податоци
Покровител	Вознесение Христово
Завршено	1857
Живопис	1857
Зограф	Димитриј, Ефтим и Ѓорѓи Андонови
Архитектонски опис

Историја

Црквата била изградена и зографисана во 1857 година во време на пелагонискиот митрополит Бенедикт Византиски.^[2]

Архитектура

Градбата на црквата е еднокорабна, со правоаголна основа и петострана апсида на источната страна.^[2] На секоја страна од апсидата има по една слепа ниша. Влезот на храмот се наоѓа на јужната страна и над него има ниша со фреска во лоша состојба. Објектот е изграден од варовник и е покриен со кров од ќерамиди. Внатрешноста на црквата е живописана, а фрескописот е дело на браќата Димитриј, Ефтим и Ѓорѓи Андонови од Гари.^[2]

Дворот на црквата од јужната страна е ограден со метална ограда, а храмот дополнително е ограде од помошен објект на јужната и западната страна, додека на источната страна има бетонска ограда. На јужната страна од помошниот објект се наоѓа влезната прота која води до потесниот двор пред црквата и над неа се издига камбанаријата. Таа е со квадратна основа и се состои од два дела, така што на секоја страна во горниот дел има по една монофора. Во потесниот двор на црквата, во близина на јужната страна има два гробни споменика.

Галерија

Влезната порта од дворот со камбанаријата
Влезната порта од дворот на црквата
Јужната страна
Влезната врата
Источната страна
Апсидата
Помошниот објект
Ктироскиот натпис во црквата
Ктиторска плоча на камбанаријата
Внатрешноста на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.
↑ ^2,0 ^2,1 ^2,2 „Црква „Вознесение Христово“, село Долнени“. OldPrilep. 26 јануари 2015.

Надворешни врски

Црква „Вознесение Христово“ - Долнени на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 18. ISBN 978-608-65143-2-7.

[црква-2] 2,0 ^2,1 ^2,2 „Црква „Вознесение Христово“, село Долнени“. OldPrilep. 26 јануари 2015.

[1]

[2]