Цариградски весник
„Цариградски весник“ (бугарски: Цариградски вестник, стар правопис: Цариградскй вѣстникъ) бил бугарски неделник, кој излегувал во Цариград од 1848 до 1862 година, едно од најсериозните изданија на бугарски јазик од преродбенскиот печат.
 | |
| Основан | 1848 |
|---|---|
| Јазик | бугарски |
| Престанал | 1862 |
Весникот е основан од Иван Богоров, по престанокот на весникот „Бугарски орел“. Богоров е и негов главен редактор до 1850 година, по што весникот го преземал Александар Екзарх и за кратко Тодор Бурмов.
Освен публицистика и документарни географски, историски и биографски написи, во „Цариградски весник“ биле публикувани и уметнички текстови. Биле објавени и преводи и бугарски адаптации на странски книги, како „Робинзон Крусо“ на Даниел Дефо и „Јаничарите“ на Мор Јокај. Во „Цариградски весник“ пишувал и Јордан Хаџиконстантинов Џинот, кој на страниците на весникот публикувал мноштво статии, белешки и литературни дела.[1]