Цанко Димковски

Цанко Јорданов Димковски ( 1924 во Младо Нагоричане, Кумановско — 20 октомври 1944 во Треска, Скопско) — македонски партизан, борец за слобода на Македонија и учесник во НОВ.

Животопис

Произлегува од сиромашно семејство. Завршил основно училиште, а потоа се занимавал со земјоделство. На 20 август 1944 година стапил во Третата македонска ударна бригада. Бил учесник во сите борби на Бригадата против непријателот на теренот кај Куманово и Велес. На 20 октомври истата година храбро загинал, во една тешка борба против балистите и Германците на реката Треска.