Херцегбосански кантон

Херцегбосански кантон
Херцегбосански кантон; ; Hercegbosanska županija (хр);
	кантон
Знаме	; Амблем
	; Местоположба во БиХ и карта на општините.
	Координати: 44°14′N 18°12′E / 44.233° СГШ; 18.200° ИГД
Држава	Босна и Херцеговина
Ентитет	Федерација Босна и Херцеговина
Гл. град	Ливно
Општини	Ливно, Томиславград, Купрес, Гламоч, Босанско Грахово, Дрвар
Управа
• Премиер	Бранко Ивковиќ
Површина
• Вкупна	4.934,1 км2 (19,051 ми2)
Население
• Вкупно	84,127
• Густина	17/км2 (40/ми2)
Часовен појас	CET
Мреж. место	http://www.hbzup.com/

Херцегбосански кантон или Кантон 10 (хрватски: Hercegbosanska županija; српски и босански: Kanton 10, Кантон 10) — еден од десетте кантони во Босна и Херцеговина, дел од Федерација Босна и Херцеговина. Кантонот се наоѓа во западниот дел од земјата. Управникот на кантонот се наоѓа во Купрес, владиното тело во Ливно, а собранието во Томиславград.^[1] Овој кантон е еден од најпогодените за време на војната и истата има големи последици врз економскиот развој на кантонот.

Име уреди

Хрватите во Кантонот го претпочитаат името Херцегбосански кантон, па така и локалните власти уште од самиот момент на формирање на истиот сакале така да се именува овој ентитет. Сепак, уставот на БиХ истото не го одобрил и останала работната верзија на името, Кантон 10, да се користи во официјална употреба. Хрватската верзија на името се однесува на Херцег-Босна (хрватски дел од тројната националистичка поделба на Босна и Херцеговина), и поради тоа Србите и Хрватите, а и Уставот на БиХ, сметаат дека името Херцегбосански кантон е со национален предзнак. Истиот проблем и истата постапка важи и за грбот и знамето на кантонот и поради тоа овој кантон е единствен кој сè уште нема официјален грб и знаме. Името Кантон 10 е по случаен избор, односно тој е десетти по ред при работната верзија на административната поделба на Федерацијата. Неофицијално кантонот е познат и како Ливански кантон (според главниот град) или Севернохерцеговски кантон.

Географија уреди

Кантонот има површина од 4,934.1 км², односно една десетина од вкупната површина на земјата.^[2]

Општини уреди

Во кантонот се наоѓаат следните општини:Ливно, Томиславград, Купрес, Гламоч, Босанско Грахово и Дрвар.

општина	население^[3]	површина (км²)^[3]
Босанско Грахово	3,091	780.0
Дрвар	7,506	1030.0
Гламоч	4,038	1033.6
Купрес	5,573	569.8
Ливно	37,487	994.0
Томиславград	33,032	967.4