Херес де ла Фронтера
Херес де ла Фронтера или само Херес (шпански: Jerez de la Frontera) — град и општина во покраината Кадис, во автономната заедница Андалусија, во југозападна Шпанија, сместена на средина помеѓу морето и планините. Градот е најголем во покраината со близу 215.000 жители, петти по големина во Андалусија. Станал сообраќаен и комуникациски јазол на покраината, надминувајќи го дури и Кадис, покраинскиот главен град, во економска смисла. Херес де ла Фронтера е исто така, во поглед на површина, најголема општина во покраината и нејзината голема површина содржи голем дел плодна почва за земјоделство. Исто така, постојат и многу фарми и ергелиња, а воедно е развиено и винарството.
| Херес Jerez de la Frontera | |||
|---|---|---|---|
| Општина | |||
 Катедралата во Херес | |||
| |||
 Местоположба на Херес де ла Фронтера во рамките на покраината Кадис | |||
  Херес | |||
 Херес | |||
| Координати: 36°42′N 6°7′W / 36.700° СГШ; 6.117° ЗГД | |||
| Држава |  Шпанија | ||
| Автономна заедница |  Андалусија | ||
| Покраина | Кадис | ||
| Комарка | Кампиња де Херес | ||
| Судски округ | Херес де ла Фронтера | ||
| Заедница | Мунисипиос де ла Баија де Кадис | ||
| Управа | |||
| • Градоначалник | Марија Хосе Гарсија-Пелајо Хурадо (PP) | ||
| Површина | |||
| • Вкупна | 1.188,23 км2 (45,878 ми2) | ||
| Надм. вис. | 56 м | ||
| Население (2013) | |||
| • Вкупно | 215.180 | ||
| • Густина | 1,8/км2 (4,7/ми2) | ||
| Часовен појас | CET (UTC+1) | ||
| • Лете (ЛСВ) | CEST (UTC+2) | ||
| Поштенски број | 11401 – 11409 | ||
| Службен јазик | шпански | ||
| Мреж. место | jerez.es | ||
Градот се наоѓа 12 километри од Атлантскиот Океан, во комарката Кампиња де Херес, регион погоден за обработка на винова лоза, кој го создава познатиот Херес. Влегува во рамките на Мунисипиос де ла Баија де Кадис со метрополитенска област од над 650.000 жители. Некои познати места во градот се Алказар де Херес (маварска тврдина), црквата Сан Мигел, манастирот Херес и катедралата Сан Салвадор.
Од 1987 година, во градот со својата патека за мотоциклизам е дел од Гран при првенството за наградата на Шпанија на почетокот на мај.
Клима уреди
Херес де ла Фронтера како и остатокот на покраината Кадис има суптропска–средоземна клима со океански влијанија, со многу свежи и влажни зими и долги топли до жешки и суви лета. Просечната годишна температура е 24 °C во текот на денот и 12° ноќе. Просечните годишни врнежи изнесуваат 598 mm, најмногу во периодот октомври-ароил. Декември е највлажен месец со 109 mm. Годишно има 54 врнежливи денови, 137 ведри и 2.966 часа сонце.
| Клима на Херес де ла Фронтера (Аеродром Херес во близина на градот) | |||||||||||||
|---|---|---|---|---|---|---|---|---|---|---|---|---|---|
| Показател | Јан | Фев | Мар | Апр | Мај | Јун | Јул | Авг | Сеп | Окт | Ное | Дек | Годишно |
| Просечна максимална (°C) | 15,9 | 17,5 | 20,2 | 21,5 | 24,6 | 28,8 | 33,0 | 33,1 | 30,2 | 25,0 | 20,1 | 16,8 | 23,9 |
| Просечна температура (°C) | 10,7 | 12,0 | 14,0 | 15,4 | 18,4 | 22,0 | 25,5 | 25,7 | 23,5 | 19,1 | 14,7 | 11,9 | 17,7 |
| Просечна минимална (°C) | 5,4 | 6,6 | 7,7 | 9,4 | 12,1 | 15,3 | 18,0 | 18,4 | 16,8 | 13,3 | 9,2 | 7,1 | 11,6 |
| Просечно кол. врнежи (мм) | 89 | 60 | 42 | 54 | 37 | 13 | 2 | 6 | 22 | 67 | 86 | 109 | 598 |
| Врнежливи денови (≥ 2,0 мм) | 7 | 7 | 5 | 6 | 4 | 2 | 0 | 0 | 2 | 6 | 7 | 9 | 54 |
| Сончеви часови (месечно) | 181 | 181 | 233 | 243 | 297 | 310 | 353 | 337 | 258 | 228 | 187 | 162 | 2.966 |
Меѓународни односи уреди
Збратимени градови уреди
Херес де ла Фронтера е збратимен со следниве градови:
Наводи уреди
- ↑ „Збратимени градови“. Biarritz.fr. Архивирано од изворникот на 2013-07-29. Посетено на 11 мај 2013.
- ↑ „Mayor's Newsletter“. www.elpasotexas.gov. Архивирано од изворникот на 2012-02-13. Посетено на 17 февруари 2012.
Надворешни врски уреди
Херес де ла Фронтера на Ризницата ?
| Википатување има туристички водич за Херес де ла Фронтера. |
- Херес де ла Фронтера на Curlie (англиски) (шпански)
- Аеродром Херес де ла Фронтера Архивирано на 9 декември 2012 г.
- Електронски весник за градот Архивирано на 9 декември 2021 г.
- Е-Водич Херес
- Туризам и видеа од градот Архивирано на 23 декември 2018 г.
- Градски водич за Херес Архивирано на 29 март 2018 г.