Тумба (врв)
Тумба — врв на планината Беласица во југоисточна Македонија на 1.881 м.н.в. На врвот се наоѓа тромеѓата меѓу Македонија, Бугарија и Грција,[1] односно Вардарска, Пиринска и Егејска Македонија.
| Тумба | |
|---|---|
| Τούμπα | |
 Поглед на врвот Тумба | |
| Највисока точка | |
| Надм. вис. | 1.881 м |
| Координати | 41°20′18″N 22°55′39″E / 41.3383° СГШ; 22.9275° ИГД |
| Друго име | Τούμπα |
| Географија | |
Тумба на карта
| |
| Место |  Македонија Грција Бугарија |
| Матичен венец | Беласица |
 | |
До планината Беласица може да се стигне преку селото Смолари, кое се наоѓа на 28 километри од Струмица. Од Смолари се стигнува до планинарскиот дом „Шарена Чешма“. Потребни се 2,5 часа пешачење до домот и уште толку од таму до врвот Тумба.
Бидејќи овој врв се наоѓа на македонско-бугарската и македонско-грчката граница, потребно е да се добие дозвола за движење долж границата. Дозволата се издава во место на живеење. Патеката е обележана, а домот „Шарена Чешма“ работи по потреба, со претходна најава во планинарското друштво „Ентузијаст“ од Струмица. Од 2001 година секоја година во август се организира меѓународен планинарски поход за искачување на врвот, насловен „Балкан без граници“.
Приоди за искачување
уредиНајпогодни приоди за искачување на врвот се следните:
Македонија: Смолари и ПД „Шарена Чешма“, Општина Ново Село
Бугарија: Клуч, Скрт, Габрене и ПД „Лопово“, Општина Петрич
Грција: Шугово (Платанаќа), Глибовци (Калохори) и Палмеш (Кастануса), Валовишко (денешна општина Синтика)
Поврзано
уредиНаводи
уреди- ↑ „Студија за геодиверзитетот и геонаследството на Република Македонија и другите компоненти на природата (биолошка и пределска разновидност)“ (PDF). Скопје: Министерство за животна средина и просторно планирање. 2016. стр. 108. Посетено на 16 јануари 2024.
Надворешни врски
уреди
Тумба (врв) на Ризницата ?- Фоторепортажа за искачувањето на Тумба во рамките на „Балкан без граници 2015“, ФПСМ
- БЕЛАСИЦА – Тромеѓа 1881 мнв, Комисија за планинарски патеки при ФПСМ
