Трајко Дурчовски

Трајко Дурчовски — македонски уметник и поет.

Трајко Дурчовски
Роден/а	1943 Црна Река, Гуменџиско
Занимање	Поет

Животопис

Роден е во 1943 година во с. Црна Река кај Гуменџе, Егејска Македонија. Како дете ја доживува судбината на бегалец: заедно со мајка си, двајцата браќа и двете сестри, во 1948 година пребегал во Војводина, откако неговиот татко загинал како учесник во Граѓанската војна во Грција. Семејството било раздвоено и префрлено во Чехословачка. Детството го минал во детските домови во Димокури, Шилхежовице и Нове Хради. По школувањето се вработил во Тжинец, каде оформил свое семејство. Во Тжинец во 1962 година неговото семејство пак се споило и Трајко започнува да се занимава со уметничко творештво. Негова преокупација се сликите во железо. Во 1974 година преминува во Република Македонија, едно време живее во Дебар, а потоа во Охрид.

Дурчовски е автор на три стихозбирки, а има учествувано на изложби на кои ги претставува своите ликовни дела од железо.

Книжевно творештво

• Дружба со ветерот (1998)
• Мајчина душичка (2003)
• Железен сон (2008)

Изложби

• 03. 09. 2003 во Охрид
• 24. 05. 2003 во Битола
• 14. 08. 2003 во Охрид
• 10. 08. 2004 во Охрид
• 18. 09. 2004 во Елшани
• 06. 02. 2005 во Охрид
• 04. 02. 2006 во Охрид
• 03. 06. 2006 во Штип
• 04. 02. 2006 во Охрид
• 25. 10. 2008 во Охрид

Надворешни врски

• Говор со железото
• Изложба на Трајко Дурчовски во Охрид
• Слики од Трајко Дурчовски