Трани
Трани [ˈtraːni] — пристаништен град и општина на Јадранското Море, во регионот Апулија на југот на Италија. Градот во 2009 година станал еден од главните градови на новата покраина Барлета-Андрија-Трани. На почетокот на 2016 година во градот живееле 56,112 жители.
| Трани | |
|---|---|
| општина | |
| Città di Trani | |
 Поглед на Трани | |
.svg) Трани во рамките на покраината Барлета-Андрија-Трани | |
| Земја | Италија |
| Регион |  Апулија |
| Покраина | Барлета-Андрија-Трани |
| Поделоци | Капиро |
| Управа | |
| • Градоначалник | Амедео Ботаро (ДП) |
| Површина | |
| • Вкупна | 102,08 км2 (3,941 ми2) |
| Надм. вис. | 7 м |
| Население (1 јануари 2016) | |
| • Вкупно | 56.112 |
| • Густина | 5,5/км2 (14/ми2) |
| Демоним | Транезијци |
| Часовен појас | CET (UTC+1) |
| • Лете (ЛСВ) | CEST (UTC+2) |
| Пошт. бр. | 76125 |
| Повик. бр. | 0883 |
| Светец-заштитник | Свети Никола Поклоникот |
| Слава | 2 јуни |
| Мреж. место | Матична страница |
Знаменитости уреди
Трани ги загубил своите градски ѕидини и бастиони, но тврдината која датира од 13. век била значително обновена како музеј и е отворена за јавноста. Некои од улиците во и околу гето областа останале исти такви какви што биле во средновековниот период, и голем дел од куќите имаат декорации од норманска архитектура.
Главна црква е градската катедрала, посветена на Свети Никола Поклоникот, грчки поклоник кој починал во Трани во 1094 година одејќи кон поклонението во Рим, и години подоцна бил канонизиран од Папата Урбан II. Таа се наоѓа на отворено издигнато место близу морето, и била осветена, пред нејзиното завршување, во 1143 година. Тоа е базилика со три апсиди, изградена од карактеристичен бел варовник. Таа исто така има голема крипта и висока кула, која била изградена во периодот 1230-1239 од архитект чие име се појавува на амвонот во катедралата во Битонто, Никола Сасердос. Под неа се наоѓа лак, поддржуван делумно од страничниот дел на црквата, и делумно од огромен столб. Лаковите од романските портали се прекрасно украсени, на начин кој сугерира на арапско влијание; бронзените врати, изработени од Барисанус од Трани во 1175 година, се вбројуваат меѓу најдобрите од овој период во Јужна Италија.[1] Капителите на столбовите во криптата се одлични примери на романска архитектура. Внатрешноста на архитектурата била нашироко модернизирана, но криптата останува слична на првичната и била познато складиште на мошти, меѓу кои и телото на маченичката Св. Февронија Нисибиска.
Значајни личности уреди
- Џени Џорџ - австралиска политичарка
- Фридрих II - Цар на Светото Римско Царство
- Манфред Сицилијански - Крал на Сицилија и син на Фридрих II
- Џовани Бовио - филозоф и политичар
- Емилио Ковели - анархист и социјалист
- Лујџи Чиарели - драматург
- Вандиса Гвида - театарска и филмска глумица
- Доменико Саро - композитор
- Леоне ди Лернија - пејач
- Розалино Селамаре, познат како Рон - пејач
Наводи уреди
- ↑ David A. Walsh, "The Iconography of the Bronze Doors of Barisanus of Trani" Gesta 21.2 (1982:91-106).
Оваа статија вклучуват текст од дело кое сега е во јавна сопственост: Chisholm, Hugh, уред. (1911). Encyclopædia Britannica (11. изд.). Cambridge University Press. Отсутно или празно |title=(help)CS1-одржување: ref=harv (link)
Надворешни врски уреди
| „Трани“ на Ризницата ? |
- Официјално мрежно место на општина Трани Архивирано на 9 февруари 2006 г. (италијански)
- Портал Трани (италијански)
- Трани на Curlie (англиски) (англиски)
- Трани на Curlie (англиски) (италијански)