Теќе „Зејнел Абедин-паша“
Теќе „Зејнел Абедин-паша“ — османлиско теќе со џамија во градот Охрид, прогласени за културно наследство на Македонија.[1][2][3][4]
| Теќе „Зејнел Абедин-паша“ | |
|---|---|
 Поглед на теќето | |
| Основни податоци | |
| Место | Охрид, Македонија |
| Координати | 41°6′59.3″N 20°48′0.4″E / 41.116472° СГШ; 20.800111° ИГД |
| Припадност | Халветиски ред (суфизам) |
| Архитектонски опис | |
| Архитектонски тип | теќе, џамија |
| Архитектонски стил | османлиски |
| Особености | |
| Минариња | 1 |
| Прогласен за | културно наследство на Македонија |
Местоположба
уредиТеќето е сместено на Охридската чаршија, на самиот плоштад до стариот чинар.[1]
Историја
уредиСпоред натпис во теќето, по пристигањето на Пир Хајати Баба во 1766 година, раководителите се стекнуваат со титулата „шех“. По добивањето на хилафет од карабашата на Сер, Шех Мехмед Хајати пристигнал во Охрид, каде го основал теќето на Халветискиот ред со ферман од султанот.[1] За џамиската града некои сметаат дека е изградена во XV век како медреса (верско училиште). Кон крајот на XVI век таа е претворена во теќиска џамија.[2] Ова теќе е мајка на Теќето „Халвети Хасан Баба“ во Струга и на теќињатата во Кичево и Штип, кои му биле потчинети.[5]
На 22 март 1968 година теќето „Зејнел Абедин-паша“ е прогласено за споменик на културата.[6]
Архитектура
уредиТеќето (со џамијата) ги има сите потребни простории — семхана, халвет, зимски и летен кафе-оџак, молитвена просторија и мисахирхана, просторија за гости.[1] Минарето е изградено во XVII век и е зачувано во изворниот облик.[1]
Дел од комплексот е и Турбето на Хајати Баба од XVIII век, во кое е погребан основачот на теќето.[1][2] Шеховата куќа од XIX век е факсимилно обновена во доцниот XX век, а Шадрванот на шехот Зекерија е од XIX век. Во комплексот има и две групи гробови — едните кај влезот до џамијата, а другите на запад од турбето. Во нив се погребани членовите на семејствата на шеховите и прислугата на теќето, како и неговите дарители.[2]
Поврзано
уредиНаводи
уреди- ↑ 1,0 1,1 1,2 1,3 1,4 1,5 Pavlov, Zoran, Radmila Petkova (2008). Ottoman Monuments (PDF). Skopje: Macedonian Cultural Heritage, Ministry of Culture of the Republic of Macedonia. стр. 42. ISBN 978-608-4549-03-01 Проверете ја вредноста
|isbn=: length (help). Архивирано од изворникот (PDF) на 2019-04-04. - ↑ 2,0 2,1 2,2 2,3 „Споменичка целина Зејнел Абедин Паша“. Управа за заштита на културното наследство. Архивирано од изворникот на 2017-09-16. Посетено на 16 септември 2017.
- ↑ Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 76.
- ↑ Yılmaz, Edip, Erdal Elmas (2018). „OHRİ'DEKİ (MAKEDONYA) OSMANLI DÖNEMİ CAMİLERİ“. Anasay (4): 56–58. ISSN 2001 2587- 2001. Занемарен непознатиот параметар
|month=(help) - ↑ Pavlov, Zoran, Radmila Petkova (2008). Ottoman Monuments (PDF). Skopje: Macedonian Cultural Heritage, Ministry of Culture of the Republic of Macedonia. стр. 49. ISBN 978-608-4549-03-01 Проверете ја вредноста
|isbn=: length (help). Архивирано од изворникот (PDF) на 2019-04-04. - ↑ Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 155.
Надворешни врски
уреди
Теќе „Зејнел Абедин-паша“ на Ризницата ?
