Список на реки во Литванија
Реките во Литванија се вообичаено низински реки: со бавен тек, создаваат меандри, долините се широки. Поради обилните врнежи, мрежата на реки е густа.[1] Меѓутоа, реките не се рамномерно распоредени. Највисока густина има во Жемајтија каде врне почесто и во северна Литванија, каде почвата има глина и не дозволува водата да тече под земја. Најниска густина има во југоисточниот дел на Литванија, каде почвата има многу песок и врнежите многу брзо понираат во земјата.
Скоро 70% (околу 49.600 км2) од територијата на Литванија влегуваат во сливот на реката Неман и нејзините притоки. Другите пет речни сливови се мали и се наоѓаат близу границите: Муса-Немунелис (Лиелупе; 8.976 км2), Вента (5.140 км2), Западна Двина (1.857 км2), мали реки кои се влеваат во Балтичкото Море (2.523 км2) и Преголја (54 км2). Во текот на зимата сите реки замрзнуваат. Во пролет скоро сите реки се изливаат поради топењето на снегот и мразот. Меѓутоа, обично само водите во делтата на Неман се изливаат во целата долина. Денес, поплавите се контролирани од брани и исто така поради дренажата повеќето реки имаат пониски нивоа на водата отколку што имале. Во западна Литванија, реките вообичаено ненадејно поплавуваат поради обилните врнежи. Во источна Литванија, реките вообичаено имаат постојано количество на вода, бидејќи се регулирани преку езера и песочната почва, која брзо ги собира ненадејните количини на дожд или снег.
Во текот на советскиот период (1945-1990), реките претрпеле голема штета поради извршената дренажа. Многу мочуришта биле исушени и сега не можат да ги наводнуваат самите реки. Други помали реки биле скратени и претворени во сливни канали.
Литванија има околу 29 илјади водотеци подолги од 250 метри. Вкупната должина на сите овие водотеци изнесува околу 65.000 километри. Бројот на реки и рекички поголеми од 3 километри изнесува 4.418. 758 реки се подолги од 10 километри.[2] Литванија има 21 река подолги од 100 километри:
Најдолги реки
уреди| # | Име | Должина (км) | Устие | Најважни градови | |
|---|---|---|---|---|---|
| Вкупно | во Литванија | ||||
| 1 | Неман | 937 | 475 | Курски Залив | Гродно, Друшкининкај, Алитус, Каунас, Советск |
| 2 | Нерис | 510 | 235 | Неман | Вилнус, Кернаве, Јонава, Каунас |
| 3 | Вента | 346 | 161 | Балтичко Море | Вента, Кулдига, Вентспилс |
| 4 | Шешупе | 298 | 209 | Неман | Маријамполе, Кудиркос Наумјестис, Краснознаменск |
| 5 | Швентоји | 246 | 246 | Нерис | Аникшчијаи, Каварскас, Укмерге |
| 6 | Невежис | 209 | 209 | Неман | Паневежис, Кедаинијаи |
| 7 | Меркис | 203 | 190 | Неман | Балтоји Воке, Меркине |
| 8 | Минија | 202 | 202 | Неман | Салантај, Гаргждај, Приекуле |
| 9 | Немунелис | 199 | 160 | Лиелупе | |
| 10 | Дисна | 173 | 58 | Западна Двина | |
| 11 | Јура | 172 | 172 | Неман | Риетавас, Таураге |
| 12 | Муша | 157 | 140 | Лиелупе | |
| 13 | Левуо | 145 | 145 | Муша | Бауска |
| 14 | Шушве | 135 | 135 | Невежис | |
| 15 | Дубиса | 131 | 131 | Неман | Шијаулијај, Ариогала |
| 16 | Ширвинта | 129 | 129 | Швентоји | Ширвинтос |
| 17 | Швете | 118 | 50 | Лиелупе | Жагаре |
| 18 | Шешувис | 115 | 115 | Јура | |
| 19 | Котра | 109 | 24 | Неман | |
| 20 | Митува | 102 | 102 | Неман | Јурбаркас |
| 21 | Бартува | 101 | 55 | Балтичко Море | Скуодас |
Вирвичија (99,7 км) е за малку под границата од 100 километри. Должината на Жеимена е предмет на дискусија; може да се движи до 114 километри
- Забелешка: должината во Литванија ја вклучува и должината на реките кога служат како граници со соседните земји.
Наводи
уреди- ↑ The Republic of Lithuania Архивирано на 28 август 2005 г., Fishery Country Profile, Food and Agriculture Organization of the United Nations, мај 2005.
- ↑ Stasys Vaitiekūnas, Elena Valančienė, Lietuvos geografija (Geography of Lithuania), Alma littera, 2004, page 65. ISBN 9955-08-534-7
Надворешни врски
уреди- Список на езера, брани и реки од национална важност
- Води во Литванија Архивирано на 13 јануари 2006 г.