Сократ Схоластик
Сократ Схоластик или Сократ Цариградски (грчки: Σωκράτης ὁ Σχολαστικός) — христијански црковен историчар од 5 век.
| Сократ Схоластик Σωκράτης ὁ Σχολαστικός | |
|---|---|
| Роден(а) | 380 Цариград, Византија |
| Починал(а) | 440 |
| Занимање | црковен историчар |
| Познат(а) по | Historia Ecclesiastica |
Автор е на Historia Ecclesiastica („Историја на Црквата“) која ја покрива историјата на доцноантичкото христијанство во текот на годините 305-439.
Животопис уреди
Сократ е роден во Цариград и имал правно и реторичко образование. Негови наставници биле Хелидиј и Амониј, кои дошле во Цариград од Александрија, каде што биле пагански свештеници. Револтот, придружен со напад врз паганските храмови, ги принудил да побегнат. Овој напад, во кој Серепеум бил вандализиран и уништен, е датиран околу 391 година.
Тој ја продолжил црковната историја на Евсевиј Кесариски од 325 година до 439 година. Бил голем бранител на православието и противник на Аријанството. Наоѓа место во црковната историографија како претставник на христијанската хуманистички традиција која бара пат за ширење на новата религија во секуларното општество и соживот со паганската класична култура на Старите Грци и Римјани.
„Историја на Црквата“ уреди
Историјата го опфаќа периодот од 305 до 439 година, а експертите веруваат дека била завршена во 439 година или наскоро потоа, за време на животот на царот Теодосиј II, т.е. пред 450. Целта на историјата е да продолжи со работата на Евсевиј Кесариски.
Historia Ecclesiastica е еден од ретките извори на познавањата на Хипатија, женски математичар и филозоф од Александрија. Извештајот на Сократ е во многу погледи добро избалансиран. Тој внимава да не се користи хиперболични наслови кога се однесуваат на истакнати личности во Црквата и државата.
Често се претпоставува дека е следбеник на Новацијанството, главно поради тоа што дава многу детали за новацијаите. Во неговите дела, тој за себе зборува како да е припадник на црквата[1].
Наводи уреди
- ↑ Rev. A. C. Zenos, "Life of Socrates," A Selected Library of the Nicene and Post-Nicene Fathers, series 2, vol. ii, eds. Henry Wace and Philip Schaff, (New York: Christian, 1887-1900), p. x-xi
Надворешни врски уреди
| „Сократ Схоластик“ на Ризницата ? |