Симона Попоска
Симона Попоска (родена 27 март 1992 година во Охрид) — македонска пејачка.[1]
| Симона Попоска | ||
| Родена | 27 март 1992 Охрид | |
|---|---|---|
| Националност | Македонка | |
| Позната | поп пејачка | |
Животопис
уредиОсновно училиште посетувала во ОУ „Григор Прличев“ во Охрид, средно училиште завршила во СОУ „Нико Нестор“ во Струга, а исто така го посетувала Нижото музичко училиште Методи Патчев во Охрид, каде го изучувала инструментот виолина. Студирала на Универзитетот „Св. Кирил и Методиj“ отсек општа медицина.
Со музика започнала да се занимава од шестгодишна возраст. Нејзино прво појавување на сцена било во 1999 година на фестивалот Распеано рибарче, каде настапила и наредните две години, а следното музичко искуство било на Златно Славејче 2002 година. Нејзиното прво поголемо искуство се случило 2004 година на првиот домашен избор за песна за детска евровизија каде се пласирала на второто место. Во 2006 година настапила на истиот избор и се пласирала на трето место. Следни искуства се на “Канео Фест” каде добила награда за најслушана песна на годината, “Охрид Фест”, “Мелфест” во Прилеп каде го освоила второто место. Следел настап на Фешта-1 фестивалот во 2009 каде освоила трето место со синглот “Не летај на Небо”. Во 2010 година следел краток договор со Продукција Република. Во 2012 година потпишала договор со Горила Продукција. Симона издала сингл за темата “До Крај” за која снимила и видео запис со кој се пробила на врвот на сите топ листи низ Македонија. Потоа следувал нејзиниот следен видео запис за песната “Летај Високо” која е во дует заедно со Филип Кирјаку. Симона го раскинала договорот со Горила Продукција и 2013 година започнала соработка со диџеј Ерик Фокс, како The Sound Messengers (проект кој претставувал комерцијален хаус, и песни на аглиски јазик). Нивната соработка успешно продолжила и заедно издале пет нумери на англиски јазик. Во 2014 година, Симона настапила на Макфест, и добила награда за најдобар дебитант со нумерата “Како да заборавам” кое е авторско дело на Ерик Фокс, текст Магдалена Цветкоска и аранжман Зоран Алексиќ. Симона во октомври 2014 го издала спотот за нумерата “Не е најдобро”, дело на Зоран Алексиќ, во изработка на Томато продукција.
Симона во почетокот на 2019 ја прекинала соработката со Ерик Фокс и го напуштила дуото The Sound Messengers.[2]
Спотови
уреди| Спот | Година | Режисер |
|---|---|---|
| До крај | 2012 | Владимир Ивановски Дади, Нена Зафировска |
| Летај високо | 2012 | Владимир Ивановски Дади, Нена Зафировска |
| Не е најдобро | 2015 | Томато продукција |
| Јас не те сакам | 2015 | Томато продукција |
| Сакам се | 2015 | Sky Eye Entertainment |
| Знам дека лажеш | 2016 | Фабрика продукција |
| Ти си моја победа | 2018 | Андреј Ѓоргиевски |
| Сама | 2019 | Андреј Ѓоргиевски |
| Бакни ме за крај | 2023 | Крсте Шупев |
Награди
уреди- Награда за наjслушана песна на “Канео Фест“
- Втора награда на „Мелфест“
- Втора награда на националниот Избор за песна за детска Евровизија 2004.
- Трета награда на националниот Избор за песна за детска Евровизија 2006.
- Трета награда на фестивалот „ Фешта-1“
- 2014 година, награда за најдобар дебитант на Макфест со нумерата Кажи ми како да заборавам
Наводи
уреди- ↑ „За нас The Sound Messengers“. web.archive.org. 2018-08-15. Архивирано од изворникот на 2018-08-15. Посетено на 2021-06-06.CS1-одржување: бот: непознат статус на изворната URL (link)
- ↑ „Ерик Фокс со оваа девојка ја замени Симона Поповска како пејачка во „Саундмесинџерс"“. Vistina.mk. Посетено на 2020-10-03.[мртва врска]