Свиларка
| Свиларка | |
|---|---|
| |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Врапчевидни |
| Семејство: | Свиларки |
| Род: | Bombycilla |
| Вид: | Свиларка |
| Научен назив | |
| Bombycilla garrulus (Linnaeus, 1758) | |
Свиларката (науч. Bombycilla garrulus) е член на семејството свиларки (науч. Bombycillidae) од редот на врапчевидните. Оваа елегантна птица, 18-21 см долга, со зашилена цуцулка, што патува во големи, номадски јата со силен, директен лет, се размножува во зимзелените шуми во северните делови на Европа, Азија и западна Северна Америка. Има три вида свиларки во светот, и како Bombycilla cedrorum се јавува во Северна Америка, а како Bombycilla japonica само во Азија. Номинираниот вид, пак, е единствен член на семејството чија распространетост е на сите континенти на географските ширини веднаш под Арктикот. Оваа птица ја има и во Македонија.
Опис уреди
Свиларката е поголема, подебела и посива од американската Bombycilla cedrorum и има светложолта, црна или 'рѓапортокалова боја на врвовите од пердувите на опашката и жолта, бела, црвена или црна лента долж пердувите на крилјата. Долната страна на пердувите од опашката се силна 'рѓа боја. Клунот и нозете се темни, а кафеавите очи се поставени во тесна црна маска истакната со бела боја. Повикот е пријатен ѕвонлив звук.
Размножување уреди
Гнездото обично го сместуваат високо на борово дрво, но локацијата ја определуваат според можностите за хранење. Секоја птица или пар може да има повеќе од едно гнездо во истата област. Гнездата имаат надворешен пречник од 15 до 18 см и се послани со мека трева и мов. Во просек, леглото има 4-6 јајца со бледо сина боја, темни дамки и неправилни линии. Инкубацијата трае околу 14 дена, а младенчињата го напуштаат гнездото околу 13 до 15 дена по испилувањето.
Исхрана уреди
Како и кај другите свиларки, исхраната им се состои главно од бобинки, но се надополнува со инсекти, особено за време на сезоната на парење.
Овој вид е еруптивен, движејќи се во непредвидливи миграциски модели од година во година, а особено кон југ, често во огромен број. Ако понудата на бобинки зимно време ја нема, тогаш се движат кон Велика Британија и Ирска. Голем број птици се појавиле таму во зимите 2011-2 и 2012-3, но најголемата навала веројатно била зимата 1946-47 во Британија, кога пристигнале 12.500 птици, предизвикана од една од најтешките зими.
Овие птици, зимно време се приближуваат и им веруваат на луѓето, па влегуваат во градините каде има бобинки, а особено ако ја има оскорушата.
Потекло на поимот уреди
Научното име Bombycilla, потекнува од латинскиот Bombyx (свила) и cilla (опашка).[2] Во многу јазици, името на птицата е директно преведено од овој научен назив, како во шведскиот Sidensvans, германскиот Seidenschwanz, па и во македонскиот - свиларка.
Галерија уреди
-
-
-
-
-
-
Мажјак одоздола -
Женка одоздола
Наводи уреди
| „Свиларка“ на Ризницата ? |
- ↑ BirdLife International (2012). „Bombycilla garrulus“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ Повеќе за потеклото на Bombycilla види во свиларки.
Надворешни врски уреди
| „Bombycilla garrulus“ на Викивидовите ? |
- Cornell University Ornithological Lab page about the Bohemian Waxwing, including samples of its song
- USGS page about the Bohemian Waxwing Архивирано на 4 јуни 2013 г.
- Bohemian Waxwing videos, photos & sounds Архивирано на 12 мај 2013 г. on the Internet Bird Collection
- Bohemian Waxwing, Environment Canada