Сајма
Сајма (фински: Saimaa) — езеро во југоисточна Финска. Со површина од околу 4.400 км², ова е најголемото езеро во земјата и четврто природно езеро по големина во Европа. Настанало со топење на ледник во ледено време. Поважни населени места на бреговите се Лапенранта, Иматра, Савонлина, Микели, Варкаус и Јоенсу. Од него истекува реката Вуокса и се влева во езерото Ладога. Поради големиот број на острови и тесни канали, езерото е расцепкано на многу делови — секој со свое име. Поголеми се Сур-Сајма, Оривеси, Пурувеси, Хаукивеси, Јевеси, Пихлајавеси и Пихеселк.
| Сајма Saimaa | |
|---|---|
 Поглед на Сајма од Јоутсено | |
| Подрачје | југоисточна Финска |
| Координати | 61°15′N 028°15′E / 61.250° СГШ; 28.250° ИГД |
| Главни истеци | Вуокса, Сајменски канал |
| Сливни земји | Финска |
| Површина | 4,400 км2 |
| Прос. длабочина | 17 м |
| Најг. длабочина | 82 м |
| Зафатнина | 36 км3 |
| Брег | 13.700 км |
| Надм. височина | 76 м |
| Острови | 3507 |
| Населени места | Лапенранта, Иматра, Савонлина, Микели, Јоенсу |
| 1 Бреговата должина не е добро определена мерка. | |
Поради ваквата топографија на сливот (поголем од самото езеро), Сајма има надолга брежна линија по единица површина во светот — цели 15.000 км, а подрачјето има околу 14.000 островчиња[1]
Езерото е поврзано со Финскиот Залив преку Сајменскиот Канал, кој се протега од Лапенранта до Виборг. Има и канали до други помали езера во источна Финска, образувајќи мрежа од водни патишта. По нив сообраќаат претежно товарни пловила што носат дрво, минерална, метална руда, дрвна маса за хартија и други стоки, но ставени се и во туристички цели.
Во Сајма живее загрозената сајменска фока (Pusa hispida saimensis), која е ендемски подвид на прстенеста фока. Друг загрозен вид што живее само во ова езеро е сајменскиот лосос.[2]
Се смета дека на бреговите на Сајма езерото настанала азбестна керамика што се изработувала од 1900 г. п.н.е. до 200 г. н.е. поради богатите и лесно достапни наоѓалишта на азбест.
Поврзано
уредиНаводи
уреди- ↑ Hamalainen, Arto (November 2001). „Saimaa – Finland's largest lake“. Virtual Finland. Архивирано од изворникот 2008-02-14. Посетено на 2013-11-06.
- ↑ McClane, A.J. (April 1973). „Fishing: The Missing Link“. Field & Stream. LXXVII (12): 144. Посетено на 20 March 2013.
Надворешни врски
уреди
Сајма на Ризницата ?- Сајма — имиња и граници (фински)
- Сајма — срцето на финскиот езерски крај — портал „Оваа Финска“ (англиски)
- Сајма — добитник на наградата „EDEN“ за нетрадиционални туристички одредишта за 2010 г. (англиски)
