Санфранциска општинска железница
Санфранциската општинска железница (МЈУНИ, англиски: San Francisco Municipal Railway (MUNI)) е системот на јавен превоз во градот и округот Сан Франциско, Калифорнија, САД.
Во 2018 година, МЈУНИ опслужувал 121 км2 со буџет од 1,2 милијарди американски долари.[1] Тоа е седмото најголемо претпријатие за јавен превоз во САД со речиси 211 милиони пренесени патници во 2006 година,[2] а е второ во Калифорнија по Метрото на Лос Анџелес.
Просечната брзина од 13 км/ч на возилата, го прави МЈУНИ најбавниот систем за јавен превоз во САД и еден од најскапите: автобусите го чинат повеќе од $19 на милја, а возовите се над $24 на милја.[3] Но, тој е и еден од системите со најмногу патници на милја и со најголем број на возила.[4]
Како интегрален дел од јавниот превоз во Заливската област на Сан Франциско, МЈУНИ вози 365 дена во годината и е добро поврзат со останатите претпријатија за јавен превоз, како БАРТ, КалТрејн, СамТранс, Голден Гејт Транзит и Еј-Си Транзит. Мрежата на МЈУНИ се состои од 54 автобуски линии, 17 тролејбуски линии, седум брзотрамвајски линии, три кабелскотрамвајски линии и две трамвајски линии. Голем број од патниците во текот на работната недела транзитираат до работните места во Сан Франциско. МЈУНИ дели четири станици со БАРТ.
Наводи уреди
- ↑ „А Year of Movement“ (PDF). SFMTA.
- ↑ „Wayback Machine“ (PDF). web.archive.org. 2009-03-27. Архивирано од изворникот на 2009-03-27. Посетено на 2020-06-10.CS1-одржување: бот: непознат статус на изворната URL (link)
- ↑ Dewar, Joe Eskenazi, Greg. „The Muni Death Spiral“. SF Weekly (англиски). Архивирано од изворникот на 2020-09-28. Посетено на 2020-06-10.
- ↑ „Report: Muni travels slower, costs more to operate than peer cities' transit“. The San Francisco Examiner (англиски). 2014-03-17. Посетено на 2020-06-10.