Рони Јонсен

Рони Јонсен (роден на 10 јуни 1969 во Сандефјорд) — поранешен норвешки фудбалер. Тој играл во центарот на одбраната или дефанзивен играч од средниот ред, но исто така многу често бил надвор од теренот заради неговите бројни повреди кој го измачувале низ неговата кариера.

Рони Јонсен
Лични податоци
Роден на	10 јуни 1969(1969-06-10)
Роден во	Сандефјорд, Норвешка
Висина	&100000000000001880000001,88 м
Позиција	централен дефанзивец
Младинска кариера
	Тонсберг
Кариера*
Години	Клуб	Наст.	(Гол.)
1987–1991	Тонсбер	98	(24)
1992–1993	Лин	31	(7)
1994-1995	Лилестром	23	(4)
1995–1996	Бешикташ	22	(1)
1996-2002	Манчестер Јунајтед	99	(7)
2002-2004	Астон Вила	49	(1)
2004-2005	Њукасл Јунајтед	3	(0)
2005-2008	Волеренга	59	(6)
Репрезентација ‡
1991-2007	Норвешка	25	(6)
*Настапи и голови само на првенствени натпревари, според податок од 6 јануари 2011 ‡ Настапи и голови за репрезентација, според податок од 17 ноември 2010

Кариера

Манчестер Јунајтед

Тој бил купен од страна на Манчестер Јунајтед во периодот кога настапувал за турскиот Бешикташ во 1996 година за сума од 1.2 милиони £. Во неговата кариера пред Бешикташ, тој професионално играл за два клуба во Норвешка, Лин од 1992 до 1993 и Лилестром од 1994 до 1995.

Додека настапувал во Манчестер Јунајтед, тој му помогнал на клубот да стигне до 4 титули во лигата (1997, 1999, 2000 и 2001), и еден ФА Куп во 1999 година. Тој, исто така, придонесе енормно за Манчестер Јунајтед да ја освои титулата во Лигата на Шампионите во 1999 година, а реванш натпреварот од полуфиналето во кој Манчестер Јунајтед издвојува победа над Јувентус, се смета дека била неговата најдобра партија во кариерата иако играл на позиција во средниот ред. Тој, исто така, го одиграл целиот натпревар и во финалето во Барселона, но овој пат на својата омилена позиција во центарот на одбраната, како партнер на Јап Стам. Покрај Лигата на Шампионите, Јонсен играл и во финалето на ФА Купот во истата 1999 година, но поради повреда, тој не бил на теренот кога црвените ѓаволи ја завериле лигашката титула во Премиер лигата во сезоната 1999-00 со победа над Тотенхем. Иако тој одиграл само 3 натпревари за време на оваа сезона и ги немал потребните 10 настапи за добивање на победнички медал, сепак тој го добил медалот наменет за шампионот преку специјално ослободување - слично на она што му било препишано на Дион Даблин за истата причина седум години порано. Следната сезона, Јонсен веќе ги исполнил критериумите за да се закити со четвртиот шампионски медал во англиската топ дивизија.

Играјќи за Манчестер Јунајтед, Јонсен постигнал осум гола во сите натпреварувања - а првиот дошол против Челзи во натпревар од ФА Черити Шилд во август 1997 година. Тој останал кај нив сè додека неговиот договор не истекол на крајот на сезоната 2001-02, кога станал слободен играч.

Астон Вила и Њукасл Јунајтед

Во 2002 година, Јонсен и колегата од Норвешката репрезентација Ојвинд Леонардсен биле на проби во германскиот тим Шалке 04. Но откако тој потег пропаднал, Јонсен потпишал со Астон Вила. За две години колку го носел дресот на Астон Вила, тој постигнал само уште еден погодок во лигата, против Лидс Јунајтед во февруари 2004 година. Откаку ја напуштил Вила, Јонсен потпишал за Њукасл Јунајтед, но таму одиграл само неколку натпревари пред да биде ослободен бидејќи во клубот биле загрижени околу неговите слаби резултати на фитнес тестовите.

Враќање во Норвешка

Во февруари 2005 година, Јонсен го најавил своето пензионирање од професионалниот фудбал. Но сепак, набргу потоа тој се премислил и потпишувал едногодишен договор со норвешкиот клуб Валеренга. Подоцна тој го продолжи овој договор на трипати за да може да игра во следните сезони 2006, 2007 и 2008.

На 22 август 2007 година, тој имал извонреден и неочекуван кам-бек во норвешката фудбалска репрезентација, играјќи го целиот натпревар дома против Аргентина. Норвешка го добила тој двобој со 2-1.

Јонсен се простил од активното играње фудбал на 3 ноември 2008 година, по натпреварот од последното коло од сезоната (2008) во кој Валеренга била поразена од Бран со 1-0.

Репрезентативна кариера

Јонсен бил дел од норвешката репрезентација кој настапил на Светското првенство 1998 и има вкупно 62 настапи за својата земја.

Титули

Манчестер Јунајтед

• Премиер лига (4) : 1996-1997, 1998-1999, 1999-2000, 2000-2001
• Лига на Шампиони (1) : 1999
• ФА Черити Шилд (1) : 1997
• ФА Куп (1) : 1999
• Интерконтинентален куп (1) : 1999

Валеренга

• Норвешка Премиер лига (1) : 2005
• Норвешки куп (1) : 2008

Надворешни врски

• Рони Јонсен на soccerway