Рибњик
Рибњик (полски: Rybnik, германски: Rybnick, шлески: Rybńik) — град во југозападна Полска, кој се наоѓа во Шлеското Војводство. Градот првично бил развиен како риболовен центар (што може да се види и по неговото име) во средниот век, а подоцна станал и важен центар за ископување на јаглен и седиште на околната општина во 19 век. За време на комунистичката власт од 1945 до 1989 година било предвидено градот да се развие во главен рударски центар во јужна Полска.
| Рибњик | |||
|---|---|---|---|
 Главниот плоштад во Рибњик | |||
| |||
| Држава |  Полска | ||
| Војводство |  Шлеско Војводство | ||
| Управа | |||
| • Градоначалник | Пјотр Кучера | ||
| Површина | |||
| • Градска | 148 км2 (57 ми2) | ||
| Најг. вис. | 290 м | ||
| Најм. вис. | 210 м | ||
| Население (2013) | |||
| • Градско | 139,129 ▼ | ||
| • Метро | 527 017 | ||
| Час. појас | CET (UTC+1) | ||
| • Лето (ЛСВ) | CEST (UTC+2) | ||
| Поштенски број | од 44-200 до 44-292 | ||
| Повик. бр. | +48 32 | ||
| Регистарски таблички | SR | ||
| Мреж. место | http://www.rybnik.pl/ | ||
Според пописот од декември 2010 година, во градот живеат 141,410 жители и со тоа е единствената градска општина во Горна Шлеска во која има зголемување на населението. Во околината на Рибњик се наоѓаат голем број на рудници на јаглен и електрани и со тоа претставува важна економска област на Полска, а исто така е и истакнат музички центар, дом на државното музичко училиште „Браќа Шафранкови“ и градскиот филхармониски оркестар.