Продавница на тајни

Продавница на тајни (италијански: La Butique del Mistero) е збирка раскази од италијанскиот писател Дино Буцати (Dino Buzzati), оригинално објавена во Милано, во 1968 година. На македонски јазик, за првпат збирката е објавена во 2005 година, во издание на „Независни изданија ТНИД Ѓурѓа“ - Скопје, во рамките на едицијата „Меридијани“, по што следувало и второ издание во 2006 година, во библиотеката „Ризница“. Преводот од италијански јазик го направила Радица Никодиновска.

Технички одлики

Збирката е печатена во печатницата „Европа 92“ од Кочани, во мал формат (20 сантиметри), во мек повез и има 192 страници. Книгата е каталогизирана во Народната и универзитетска библиотека „Св. Климент Охридски“ - Скопје и ја носи меѓународната ознака ISBN 9989-920-48-6. На предната корица е наоѓа илустрацијата „Нобиле“ од Дино Буцати, додека на задната корица е даден кус осврт врз животот и делото на Буцати. Лектурата на книгата ја извршила Виолета Танчева-Златева, а ликовното обликување е дело на Славко Јовановски.

Содржина

Збирката „Продавница на тајни“ содржи предговор и 25 раскази:

• Седумте гласници
• Напад на големата колона
• Седумкатница
• Сепак некој тропа на вратата
• Шинел
• Нешто што почнува на буквата Л
• Војничка песна
• Нешто се случило
• Глувци
• Болниот тиранин
• Светци
• Ходникот на големиот хотел
• Сеќавање на поетот
• Колумбар
• Строго доверливо до господинот директор
• Грпки во градината
• Волшебното палто
• Ајфеловата кула
• Девојката која пропаѓа
• Двајцата возачи
• Крај на светот
• Залудни канења
• Лебарка
• Зајаци под месечината
• Јајце