Попов Нос (Чаниште)

Попов Нос — археолошко наоѓалиште во прилепското село Чаниште. Претставува тумул од железното време. Се наоѓа на околу 2,5 км северно од Чаниште и претставува возвишение на кое се наоѓаат неколку тумули, од кои некои се диво раскопани.

Истражување и наоди

Во 2016 година, на Тумулот I биле преземени заштитни археолошки истражувања при што било заклучено дека има приближно кружен облик, и дека бил опкружен со двоен ограден ѕид. Неговите димензии се 12,30 м во правен севе-југ, 11,40 м во правец исток-запад, и височина од 0,55 м. Со истражувањето, било утврдено дека има 6 гробови, од кои некои се радијално поставени, најверојатно околу еден средишен гроб кој бил целосно уништен од страна на диви копачи. Гробот 2 е целосно вкопан во тумулот и со тоа го разрушил оградниот ѕид. Гробот 3 е исто така разрушен од диви копачи. Гробот 5 и 6 се вдлабнати во карпата, но се исто така отворани од дивите копачи. Поради поставеноста, гробот 5 дава знаци дека е средишен односно главен гроб. Конструкцијата од камени плочи на средишниот гроб била целосно отворена и расчистена и се наоѓа на пола метро западно од гробот од кој потекнува. Гробни наоди имало во гробот 2, како и во гробовите 1 и 4 поточно во нивните гробни полнетици. Во, меѓу и покрај гробовите биле биле најдени фрагменти од керамички садови од праисторискиот период. Пронајдени биле и керамички садови, правени на грнчарско коло, од доцноантичко/раносредновековно време.

Поврзано

• Бара — тумул од железното време;
• Богданова Нива — населба од доцноантичкото време;
• Св. Петка — црква од средниот век;
• Убава Глава — тврдина од средниот век;
• Чаниште;
• Список на археолошки наоѓалишта во Прилепско;
• Список на средновековни некрополи во Македонија.

Наводи

Дополнителна книжевност

• „Археолошки истражувања на локалитето Попов Нос, с. Чаниште, Мариово Тумул I / Archaeological excavation on the Popov Nos site, v. Čanište, Mariovo Tumulus I“. Археолошки информатор (3). 2020. Посетено на 19 јануари 2023.[ ]