Паун (Фабержеово јајце)
Паун – јувелирно и кварцно велигденско јајце, изработено од Дорофеев под надзор на рускиот јувелир Карл Фаберже во 1908 година.[1] Било изработено за Николај II, кој ѝ го поклонил на својата мајка Марија Фјодоровна во 1908 година.[1]
| Паун | |
|---|---|
| Година на изработка | 1908 |
| Нарачател | Николај II |
| Примател | Марија Фјодоровна |
| Моментален сопственик | |
| Индивидуална или институционална | Лозана, Фондација Едуар и Морис Сандоз |
| Дизајн и материјали | |
| Мастер | Дорофеев |
| Употребен материјал | јајце: разнобојно злато, сребро дрво: разнобојно злато, дијаманти паун: злато, емајл, скапоцени камења |
| Висина | 190 мм |
| Ширина | 165 мм |
| Изненадување | минијатурен механички паун |
Проѕирното јајце е изработено од кварц и позлатена сребрена жица и има прилично едноставен стил. Генијалноста на јајцето е во неговото изненадување. Јајцето е составено од две половини кои се држат во целина со затворач на врвот и кога истиот се отвора се дели.
Изненадување
уредиВо јајцето, на гранките од златно дрво со цветови од емајл и скапоцени камења, седи мал механички златен и емајлиран паун долг 110 мм. Паунот може да се извади од дрвото и да се навие. Поставен на рамна површина, се шета наоколу со движење на главата и отворање и затворање на опашката од емајл.[1]
Дорофеев, мајсторот на Фаберже, три години работел на паунот и неговите прототипи.[1]
Историја
уреди
Јајцето „Паун“ било вдахновено од „Часовникот паун“ од 18 век што го изработил Џемс Кокс. Часовникот бил поклон од Григориј Потемкин на Катерина Велика.[2] Часовникот паун бил сместен во Зимскиот дворец во Санкт Петербург, Русија, кој денес е музејот Ермитаж.
Во 1927 година, јајцето „Паун“, заедно со други девет царски јајца, му било продадено на Емануел Сноумен од Антикваријатот. Било купено до Хирст во 1935 година и продадено на д-р Морис Сандоз од Швајцарија во 1949 година кој во 1955 година ѝ го донирал на својата „Фондација Едуар и Морис Сандоз“ во Лозана. Со оглед дека е во приватно сопствеништво, јајцето само шест пати било јавно покажано, последен пат во 2009 година.[2]
Поврзано
уредиНаводи
уреди- ↑ 1,0 1,1 1,2 1,3 „Matt & Andrej Koymasky - Fabergé Peacock Egg“. Andrejkoymasky.com.
- ↑ 2,0 2,1 „Mieks Fabergé Eggs“. Wintraecken.nl. 2019-01-07. Посетено на 2019-10-07.