Обедничица
Обедничица, позната и како Стара Река — река во Југозападна Македонија и десна притока на Црна Река.
Обедничица | |
---|---|
Реката во селото Обедник | |
Местоположба | |
Држава | Македонија |
Општина | Демир Хисар |
Села | Смилево, Обедник, Граиште |
Физички особености | |
Извор | |
• место | Бигла, Орман |
• надм. вис. | 1.460 м. |
Устие | |
• место | Црна Река |
• координати | 41°14′11″N 21°12′55″E / 41.23639° СГШ; 21.21528° ИГД |
• надм. вис. | 624 м. |
Должина | 19 км |
Големина на сливот | 87 км2 |
Особености на сливот | |
Течение | Црна Река → Вардар → Егејско Море |
Притоки | |
• леви | Длабок Дол и Сува Река |
• десни | Суводолска Река |
Течение уреди
Течението на реката е меѓу планините Бигла и Орман, а неа ја образуваат реките Смилевска (со должина од 4,4 км) и Стара Смилевска (со должина од 3,8 км), кои извираат на надморска височина од околу 1.460 м. Водите на овие реки се влеваат една во друга под селото Смилево, со што реката понатаму продолжува да тече како Обедничица. По своето течение, таа поминува низ селата Обедник и Граиште. Нејзини леви притоки се Длабок Дол и Сува Река, а десна притока е Суводолска Река (со должина од 7,6 км). Во Црна Река се влева од нејзината десна страна, на надморска височина од 624 м.[1]
Хидрографија уреди
Обедничица е долга 19 км, а вкупната површина на речниот слив изнесува 87 км2 Надморската височина на почетокот на течението е околу 1.460 м, додека при вливот во Црна Река е 624 м, со што релативниот пад изнесува 37,7‰.[1]
Во рамничарскиот дел од течението на реката има алувијални почви кои се со длабок физиолошки активен слој, поволен механички состав, водно-воздушен режим и релативно поволни хемиски својства.[2]
Поврзано уреди
Наводи уреди
- ↑ 1,0 1,1 Петрушевски, Илија; Маркоски, Благоја (2014). Реките во Република Македонија. Скопје: Геомап. стр. 51. ISBN 978-9989-2117-6-8.
- ↑ „Природни ресурси Архивирано на 30 јуни 2022 г.“, Општина Демир Хисар, стр. 2.
Надворешни врски уреди
- Обедничица на Ризницата ?