Над Селото (Ново Село)

Над Селото — археолошко наоѓалиште во демирхисарското село Ново Село. Претставува населба со црква и некропола од средниот век. Се наоѓа на 400 м западно од селото. Според преданијата тоа било некогашното „Черкеско Село“. Што се однесува до Ново Село, тоа лежи во кругот на манастирот кој е на 300 м исто така западно од селото. Остатоците од манастирската црква се гледаат и имаат димензии од 10×5 м. Црквичката била градена од кршен камен и варов малтер. Околу неа се откриени гробови од камени плочи со насоченост исток-запад. Според кажувањето на мештаните, во гробовите биле наоѓани српови, керамички садови и други прилози кои денес не се зачувани.

Поврзано

• Видрауци — населба и некропола од средниот век;
• Над Црквата — црква од средниот век;
• Ракински Дол — населба и некропола од средниот век;
• Ново Село;
• Список на археолошки наоѓалишта во Демирхисарско;