Мореска

Мореска (италијански: moresca) или морешка ― традиционална средновековна игра на жителите на островот Корчула. Потекнува од Шпанија кон крајот на 15 век во спомен на борбата со Маврите. Во тие битки учествувале и Корчулчани. Играта дошла во Корчула преку јужна Италија и Дубровник. Речиси целосно исчезнала во средоземните земји, освен на Корчула, каде што повеќе од 500 години, се изведува секоја година во текот на летото.

Костим на изведувач на морешка на островот Корчула

Текстот на играта е на ијекавски изговор, а имињата на ликовите и фигурите се мешавина од италијански и шпански зборови. Содржината на играта е едноставна. Црниот крал, кој во играта се вика Моро (шпанскиот збор за Мавр) ја сака за жена девојката Була, која го сака белиот крал. За неа се борат кралевите и нивните војски. На крајот победува белиот крал и девојката се мажи за него. Изведувачите носат богата старинска облека и вешто ракуваат со сабји. Музиката што ја придружува играта била менувана низ вековите, бидејќи била композирана од неколку композитори од тоа време. Во 1937г. хрватскиот композитор Крсто Одак компонирал нова музика што ја придружува играта од 1947 г.

Книжевност

• Мала енциклопедија на образованието - Белград 1969 година
• Општа енциклопедија на Југословенскиот лексикографски институт Загреб 1979 година (том 5 (L-Nigh)
• Арнолд, Денис, и Сколс, Перси. 1983. Оксфордски придружник на музиката. стр. 1201.
• Santarelli, Cristina (2000). „Immagini della danza moresca in Piemonte“. Music in Art: International Journal for Music Iconography. 25 (1–2): 39–50. ISSN 1522-7464.