Михаел Голертс
Михаел Голертс (холандски: Michael Goolaerts; 24 јули 1994 – 8 април 2018) — белгиски професионален друмски велосипедист, кој возел за професионалната континентална екипа Верандас Вилемс-Крелан.[1]
.JPG) Голертс на Гран при де Денен 2017 | |
| Лични податоци | |
|---|---|
| Цело име | Михаел Голертс |
| Роден | 24 јули 1994 Лир,  Белгија |
| Починал | 8 април 2018 (возр. 23) Лил,  Франција |
| Висина | 1,86 м |
| Маса | 80 кг |
| Податоци за клубот | |
| Дисциплина | друмски велосипедизам |
| Улога | возач |
| Аматерски клубови | |
| 2013 2015–2016 2016 | Верандас Вилемс (стажант) Лото-Судал У23 Лото-Судал (стажант) |
| Професионални клубови | |
| 2014 2017–2018 | Верандас Вилемс Верандас Вилемс-Крелан |
При Париз-Рубе 2018, Голертс доживеал срцев удар. Бил однесен во болница во Лил, каде починал неколку часа подоцна.[2][3]
Животопис
уредиГолертс се родил во Лир, а пораснал во Халар, Хејст оп ден Берг, каде станал член на велосипедскиот клуб Бален.[4] Го освоил покраинското хронометарско првенство во Антверпен во категоријата новодојденци во 2010 година.[5] Исто така, ја освоил оваа титула во јуниорска категорија во 2011 година.[6] Во 2012 година бил дел од екипата која го освоила јуниорското првенство во екипна потера[7] и екипен спринт.[8] Таа година исто така завршил осми во јуниорската верзија на Трката околу Фландрија.[8]
Се приклучил на екипата Верандас Вилемс како стажант во втората половина на 2013 година и обезбедил договор со екипата за следната година. Во 2015 година се приклучил на развојната екипа на Лото-Судал.[8]
Голертс се приклучил на Лото-Судал како стажант, започнувајќи од 1 август 2016 година, пред повторно да се приклучи на тогашната професионална континентална екипа Верандас Вилемс-Крелан за сезоната 2017. Го имал својот прв настап на Етоле де Бесеж,[9] и завршил меѓу првите десет на ГП Брик Схоте.[10] Таа година бил во раните бегства на Трката околу Фландрија, каде останал на чело на групата над 200 километри и на Хале-Ингоигем, каде неговите резултати биле пофалени од Том Бонен,[8] и на Париз-Тур.[11] На почетокот на сезоната 2018 завршил деветти на Дварс дор Вест-Вландерен.[12]
На 8 април 2018 година, Голертс започнал на неговиот прв Париз-Рубе. На третиот сектор со калдрма по 109 километри возење, доживеал срцев удар и се онесвестил на земја.[2] Бил оживеан од медицинските лица и пренесен со хеликоптер во болница во Лил.[13] Починал подоцна истата вечер.[3] Обдукцијата покажала дека доживеал срцев удар пред да падне од неговиот велосипед.[14]
Достигнувања
уреди- 2012
- 1.
Национално велодромско првенство - јуниорски екипен спринт - 8. Трка околу Фландрија за јуниори
- 2015
- 4. Париз-Шони
- 7. Национално хронометарско првенство под 23 години
- 2016
- 1. Етапа 1 Тур ди Лоар ет Шер
- 9. Национале Слејтингспрејс
- 2018
- 9. Дварс дор Вест-Вландерен
Наводи
уреди- ↑ „Michael Goolaerts“. ProCyclingStats. Посетено на 9 април 2018.
- ↑ 2,0 2,1 „Paris-Roubaix: Michael Goolaerts dies after crash“. 8 април 2018. Посетено на 8 април 2018 – преку www.bbc.co.uk.
- ↑ 3,0 3,1 „Michael Goolaerts dies following cardiac arrest at Paris-Roubaix“. Cyclingnews. Immediate Media Company. Посетено на 8 април 2018.
- ↑ Ван ден Лангенберг, Гуј. „RIP Michael Goolaerts: De dag dat woorden tekort schieten“. Het Nieuwsblad (холандски). Mediahuis. Посетено на 9 април 2018.
- ↑ „Provincial Championship Antwerpen, Road, ITT, Novices, Belgium 2010“. Cycling Archives. Посетено на 9 април 2018.
- ↑ „Provincial Championship Antwerpen, Road, ITT, Juniors, Belgium 2011“. Cycling Archives. Посетено на 9 април 2018.
- ↑ „National Championship, Track, Team Pursuit, Juniors, Belgium 2012“. Cycling Archives. Посетено на 9 април 2018.
- ↑ 8,0 8,1 8,2 8,3 Флечер, Патрик (9 април 2018). „Michael Goolaerts - Obituary“. cyclingnews.com. Посетено на 10 април 2018.
- ↑ „Etoile de Besseges: Arnaud Demare sprints to stage 1 victory“. Cyclingnews. Immediate Media Company. Посетено на 8 април 2018.
- ↑ „GP Memorial Briek Schotte - Desselgem“. nieuwsblad. Посетено на 9 април 2018.
- ↑ „Matteo Trentin wins Paris-Tours from late attack“. Cycling Weekly. Посетено на 9 април 2018.
- ↑ „2018 Dwars door West-Vlaanderen“. ProCyclingStats. Посетено на 9 април 2018.
- ↑ „Goolaerts suffers cardiac arrest at Paris-Roubaix“. CyclingNews.com. 8 април 2018. Посетено на 8 април 2018.
- ↑ „Goolaerts suffered heart attack before crash: autopsy“. AFP. 11 април 2018. Посетено на 12 април 2018.
Надворешни врски
уреди| „Михаел Голертс“ на Ризницата ? |
- „Достигнувања на Михаел Голертс“. Cycling Archives.
- „Достигнувања на Михаел Голертс“. Cycling Quotient.
- „Достигнувања на Михаел Голертс“. ProCycling.