Мариински дворец (Киев)
Мариински дворец (украински: Маріїнський палац) — службено седиште на претседателот на Украина во Киев, сместено до државното собрание. Објектот бил изграден во барокен стил и се наоѓа на брегот на реката Днепар.
| Мариински дворец Маріїнський палац | |
|---|---|
 | |
 | |
| Општи податоци | |
| Стил | барок |
| Град | Киев |
| Земја | Украина |
| Завршена | 1755 |
| Нарачател | Претседател на Украина |
| Проектирање и изградба | |
| Архитект | Бартоломео Растрели Иван Мичурин |
Дворецот започнал да се гради во 1744 година, во времето на руската царица Елисавета Петровна, а била проектирана од Бартоломео Растрели, најпознатиот архитект во Руската Империја во тоа време. Еден од студентите на Растрели, Иван Мичурин, заедно со група на други архитекти, го завршиле дворецот во 1752 година. Првата царска посета на дворецот ја направила Катерина II во 1787 г.
Кон почетокот на XIX век, објектот бил опожарен. Во 1870 година, Александар II го преградил гворецот, а како главен архитект бил Константин Мајевски.
За време на Руската граѓанска војна во 1917-1920 г. дворецот служел како како штаб, особено во текот на Киево-болшевичкото востание. Во 1920-тите години, зградата била претворена во музеј. Во текот на Втората светска војна, зградата била многу оштетена, а обновена кон крајот на 1940-тите. Друга голема реставрација објектот доживеал во 1980-тите години.
