Македонија (албум-алманах)
Албум-алманах „Македонија“ (бугарски: Албум-алманах „Македония“) — историска книга, фото-документарен труд кој го брани бугарскиот етнички карактер во Македонија и идејата за автономија на Македонија. Објавено во Софија во 1931 година.
 Албум-алманах „Македония“, корица на оригиналот. | |
| Изворен наслов | Албум-алманах „Македония“ |
|---|---|
| Преведувач | нема |
| Земја | Бугарија |
| Јазик | бугарски |
| Жанр | историја, географија, етнографија, економија |
Издадена | 1931 во Софија |
| Страници | 1041 |
Во периодот од 1944 до 1989 година книгата била забранета и во Бугарија и во СР Македонија, а сите нејзини копии биле конфискувани и уништувани. Инаку, книгата е испишана на над 1.000 страни и има околу 3.500 фотографии.[1] Книгата претставува една од многуте национални и историски богатства на Македонија, кои се продаваат ширум светот, но државата нема слух истите да ги врати во државата.
Уредувачкиот комитет е составен од Илија Иванов - револуционер и активист на ВМОРО од Прилеп, Вардарска Македонија; Александар Развигоров - револуционер и активист на ВМОРО од Штип, Вардарска Македонија; Димитар Ризов - револуционер и активист на ВМОРО од Велес, Вардарска Македонија; Лазар Томов - револуционер и активист на ВМОРО од селото Годлево, Разлог, Пиринска Македонија и Стефан Аврамов - револуционер и активист на ВМОРО од градот Чирпан, Тракија.
Покрај уредничкиот комитет, голем број истакнати бугарски и странски јавни личности и културни дејци помогнаа во пишувањето на Алманахот, меѓу кои:
Иван Снегаров - историчар од Охрид, Вардарска Македонија; Љубомир Милетиќ - научник од Штип, Вардарска Македонија; Константин Станишев - лекар од Кукуш, Егејска Македонија; Апостол Фрчковски - сликар од Галичник, Вардарска Македонија; Густав Вајганд - германски јазичар специјализиран за балкански јазици од Дисбург, Германија; Леон Ламуш - француски офицер и јавна личност, близок до бугарско-македонската ослободителна кауза од првата половина на 20 век. Алманахот е разгледан и одобрен од Македонскиот национален комитет.
Надворешни врски
уредиНаводи
уреди- ↑ „ФОТО: Книгата за Македонија и ВМРО која беше забранета се продава за неверојатни 9.500 долари“. pogled.mk. 31 март 2017. Архивирано од изворникот на 2021-05-09.