Стефан Аврамов


Стефан Аврамов (1884 – 28 септември 1953) бил интелектуалец, публицист, историчар и учесник во македонското револуционерно движење, член на Македонската револуционерна организација.[1]

'
Stefan Avramov VMORO.JPG
Роден 1884
Чирпан, Бугарија
Починал 1953
Софија, Бугарија

БиографијаУреди

Роден е во Чирпан, централна Бугарија. Образованието го завршил во Гимназијата во родниот град, по што во 1902 г. бил назначен за учител во Велешко, каде што и се вклучил во ТМОРО. Во периодот 1903–1907 учителствувал уште и во Охрид и Битола.[2][3]

Учествувал во борбите на ТМОРО со српската вооружена пропаганда во Велешко и Поречието. Во 1907 г. пребегнува во Бугарија.

Член е на раководното тело на организацијата на ветераните на ВМРО „Илинден“ и објавува статии во списанието „Илустрација Илинден“.[4] Од 1922 година е потпредседател на Народниот сојуз на резервните офицери и подофицери, а по Деветојунскиот преврат во 1923 година го затвора. Член е на БКП и соработник на нивната Воена Организација (1923 - 1925).

По молба од Тодор Александров лично, Стефан Аврамов ги пишува и објавува своите спомени од четничката дејност во Македонија. Во 1929 година е објавена неговата автобиографија „Револуционерните борби во Азот (Велешко) и Поречието“.[5]

Во 1931 година, го потпомага издавањето на „Алманах Македонија“. Други трудови: „Солунскиот заговор“ (1933), „Херојски времиња: Романтиката на Македонија“ (1934, и второ издание во два тома 1941 - 1942), „Бугарскиот дух низ вековите“ (1944), „Орлите на Бабуна: Легенди и раскази“ (1944).[6]

На 21 јули 1945 година е избрано ново раководство на Илинденската организација и Стефан Аврамов е назначен за председател. Умира во 1953 година во Софија.[7]

Надворешни врскиУреди

„Револуционите борби во Азот (Велешко) и Поречието“ (на бугарски јазик)

НаводиУреди

  1. Енциклопедија ВМРО, Скопје, 2015, стр. 2
  2. “Енциклопедија Македоника”, книга I, 2009, стр. 7
  3. “Aлманах нa българските нaционaлни движения след 1878”, Софиja, 2005
  4. “Енциклопедија Македоника”, книга I, 2009, стр. 7
  5. Енциклопедија ВМРО, Скопје, 2015, стр. 2
  6. Енциклопедия България, том 1, Издателство на БАН, София, 1978, стр. 16.
  7. Милен Куманов – „Македония: Кратък исторически справочник“, Софија, 1993, стр. 12.