Локва

Локва — насобрана вода или течност на земјата; мала длабнатина исполнета со вода. Во природата локвите се вдлабнатини во земјиштето кои привремено се исполнуваат од насобраната вода – дождовница или од растопениот снег. Најчестото значење на зборот локва претставува вдлабнатина со дождовна вода. Односно таа означува вдлабнатина во која повремено се насобира вода, која потоа и исчезнува преку исушување и испрарување поради што локвата се разликува од сличните зборови: вир кој најчесто се создава од проточни води и бара која е постојано количество на застоена и насобрана вода, вообичано во мочуришта и блата. Зборот локва во географијата често се користи за повремените мали планински езерца кои настануваат со топење на снегот, а во секојдневието и книжевноста зборот локва се користи и за насобрана истечена (пролеана) крв.

Локва од растопен снег во вртача на планината Караџица, Македонија

Доста е раширен во топонимијата во Македонија и словенските земји, па така именката локва и изведенки од неа може да се однесува и на:

• Локвица — село во областа Порече, Општина Македонски Брод
• Локвени – село во Општина Долнени, Прилепско
• Локов – село во областа Малесија, Струшко
• Локув – природно ледничко езеро на планината Дешат

Поврзано

• Бара
• Вир