Лиман (геологија)

Лиман — назив за еден вид естуар, најчесто карактеристичен за бреговите на Црното и Азовското Море. Се образува на бреговите каде што ефектот на плимата и осеката не е изразен, па речниот тек е блокиран од седименти. По потекло, може да биде морски - кога седиментите ги носи морската струја или речни - кога седиментите ги носи поголема река.

Сателитска снимка од лиманот долж брегот на Црното Море, направена со помош на сателитот Ландсат.

Називот Лиман главно се користи за релјефни облици на западните и северните брегови на Црното Море, како и на Азовското Море. Примери за лимани се езерото Варна во Бугарија, езерото Разелм во Романија и Днестарскиот Лиман во Украина. Руските географи исто така го користат називот лиман кога опишуваат некои облици кои не се поврзани со Црното Море - на пр. Анадирскиот Лиман (руски: Анадырский лимáн) во Чукотскиот Автономен Округ.

Име

Лиман создаден на устието на реките Днепар и Јужен Буг.

Зборот лиман доаѓа од рускиот јазик (руски: лиман). Потеклото на зборот е старогрчко (грчки: λιμένας), што во превод значи залив или пристаниште. Со проширувањето на Отоманското Царство на западните и северните брегови на Црното Море, Турците го прошириле зборот и на крајот навлегува во бугарскиот, романскиот, украинскиот и рускиот јазик.

Поврзано

• Естуар
• Лагуна

Литература

• Анѓелиќ М. 1990 година Геоморфологија . Белград: Институт за воена географија
• Марковиќ М., Павловиќ Р., Чупковиќ Т. во 2003 година Геоморфологија . Белград: Институт за учебници и наставни средства
• Пешиќ Л. во 2001 година Општа геологија - Егзодинамика . Белград: Рударско-геолошки факултет