Лаџа (река во Кукушко)

За истоимената река во Правишко, видете Лаџа (река во Правишко).

Лаџа (грчки: Ξηροπόταμος, Крисопотамос) — река во Кукушко, Егејска Македонија, притока на Галик.

Лаџа
Местоположба
Физички особености
Устие	Галик, кај с. Караџа Кадар и Кучокостејка
Должина	36 км
Особености на сливот

извор

утока

Изворот и утоката на Лаџа во рамките Општина Кукуш (со портокалово)

Реката е долга 36 км и извира од источните падини на планината Круша, на надморска височина од 900 м, северозападно од месноста Стара Равна. Продолжува минувајќи источно од селата Севендекли и Арбур, па до Инанли. Оттаму се упатува јужно до с. Ени Маало и минува северно од Шереметли. На крајот, тече меѓу селата Караџа Кадар и Кучокостејка, па се влева во реката Галик.

Име

На турски реката се нарекувала Куру Дере (Kuru Dere, „сув поток“). Ова име подоцна е преведено на грчки како Ксиропотамос. Ова се должи на тоа што водотекот е сезонски и зависи од врнежите на планината Круша.

Поврзано

• Галик
• Кукуш (општина)