Куќа на Климе Банде
Куќа на Климе Банде (Куќа на Бандеви) или Куќа на ул. „Маршал Толбухин“ бр. 1 — стара куќа во Охрид, изградена во XVIII век. Претставува редок пример за зачувана староградска архитектура во градот прогласена е за значајно културно наследство на Македонија.[1][2]
| Куќа на Климе Банде | |
|---|---|
 Поглед на куќата | |
 | |
| Општи податоци | |
| Статус | споменик на културата |
| Вид | куќа |
| Стил | староградски |
| Град | Охрид |
| Земја |  Македонија |
| Завршена | крај на XVIII век |
| Технички податоци | |
| Катови | 3 |
Местоположба
уредиКуќата е сместена во стариот дел на Охрид, на улица „Илинденска“ бр. 15 (алтернативно бр. 13), северно од црквата „Св. Софија“, на раскрсницата со улицата „Цар Самоил“.[1] Била сопственост на Климе Банде.[2]
Архитектура
уредиПоради поставеноста на теренот, градбата има три влеза на три различни нивоа — главниот е од улицата „Илинденска“ на ниво на приземјето, потоа има влез од улицата „Цар Самоил“ на повисоко ниво и уште еден од „Цар Самоил“ во заграденото дворче на ниво на првиот кат.[1]
Приземјето е сочинето од два дела — северен и јужен, првично поврзани со две скалишни крила кои започнуваат на различни нивоа. Јужниот дел содржи влезен трем со чешма, тоалет и керал, како и дуќан на аголот од улиците, кој нема топла врска со станбениот простор на куќата. Северниот дел е делумно вкопан во теренот и претставува единствена просторија „потон“ со влез од ул. „Цар Самоил“.[1]
На првиот кат има чардак, зимска и летна кујна, одаја и моминска одаја во која се собирале жените и се занимавале со рачна работа како плетење и везење. Во зимската кујна има ѕидан камин и повеќе вградени долапи, додека пак од летната кујна се излегува во дворчето, каде е и надворешниот тоалет.[1]
На вториот кат има две гостински соби и отворен чардак на исток.[1]
Приземјето е изградено од камен, а катовите се бондручни. Покривот е дрвен со турски ќерамиди. Подовете на приземјето се камени, а на катовите се од даски. Фасадата има еркер на исток потпрен со дрвени косници, експониран оџак и дрвени опшивки. Градбата е бојадисана темноокер.[1]
Куќата пред обновувањето
уреди.jpg)
Поврзано
уредиНаводи
уреди- ↑ 1,0 1,1 1,2 1,3 1,4 1,5 1,6 „Куќа на ул. Илинденска бр.13“. Управа за заштита на културното наследство. Архивирано од изворникот на 2017-09-09. Посетено на 2022-02-18. Занемарен непознатиот параметар
|acess-date=(help) - ↑ 2,0 2,1 Петровска, Светлана, Александар Целески, Надежда Поп-Костова, Горан Патчев (2016). Студија за интегрирана заштита на Старото градско јадро (предлог план). Дел 1 (PDF). Охрид: Национална Установа –Завод за заштита на спомениците на културата и Музеј –Охрид. стр. 44.
Надворешни врски
уреди
Куќа на Климе Банде на Ризницата ?
