Куќа на Канчески
Куќа на Канчески — стара куќа во градот Гостивар прогласена за културно наследство на Македонија.[1]
| Куќа на Канчески | |
|---|---|
 Поглед на куќата | |
 | |
| Општи податоци | |
| Статус | споменик на културата |
| Вид | куќа |
| Стил | неокласицизам |
| Адреса | ул. „Слободан Пепоски“ бр. 1 |
| Град | Гостивар |
| Земја |  Македонија |
| Завршена | 1930 |
| Технички податоци | |
| Катови | 3 |
Сместена е во западниот дел на градот, на ул. „Слободан Пепоски“ бр. 1. Куќата е повлечена од улицата, со голем двор и оградена со големи станбени згради од понова градба. Има правоаголна основа и се состои од сутерен, прв кат, втор кат и мансарда, завршена од керамиден покрив на четири води. Сутеренот е од камен, двата ката се изградени од тули, а мансардата е бондручна. На влезот има симетрично поставени бетонски столбови со трем. кои продолжуваат и на парапетниот балкон на горниот кат и досегаат до мансардата. Над балконот е издадениот дел на мансардата, а над него на нивото на покривот стои полукуружен украсен завршеток со годината на изградба „1930“ и монограм. Предната фасада има хармоничен ритам на отворите. Околу прозорците на првите два ката има украсни елементи.[2]
Поврзано
уредиНаводи
уреди- ↑ Список на заштитени добра. Состојба до 31.12.2012. Скопје: Управа за заштита на културното наследство.
- ↑ „Куќа на Канчески“. Управа за заштита на културното наследство. Архивирано од изворникот на 2016-03-20. Посетено на 23 септември 2017.