Кралицата Марго
Кралицата Марго (француски: La Reine Margot) — роман од Александар Дима. Бил издаден во 1845 година, а првично бил објавен во дневниот весник Ла Прес како фељтон меѓу 25 декември 1844 и 5 април 1845 година.[1] Од романот Александар Дима направил истоимена драма, изведена во 1847 година. По Кралицата Марго следат два други романи: Дам де Монсоро и Четириесет и петмината, со што се образува она што понекогаш се нарекува „трилогија Валоа“.
 Корица | |
| Автор | Александар Дима |
|---|---|
| Изворен наслов | La Reine Margot |
| Земја | Франција |
| Јазик | Француски |
| Жанр | Историски роман |
Издадена | 1844–1845 (фељтон) |
| Следна | Дам де Монсоро |
Историски контекст
уредиДејството на романот се одвива помеѓу бракот на Маргерит де Валоа со Анри де Навара, идниот Анри IV, во 1572 година и смртта на Шарл IX од Франција во 1574 година.
Александар Дима ги прикажува дворските интриги, атентатот на адмиралот де Колињи, Вартоломејската ноќ, измислената романса измислена помеѓу кралицата од Навара и грофот Де ла Мол, како и практиката на судска тортура за време на ренесансата. Катерина де Медичи ја прикажува како вознемирувачки лик, кој го користи својот фирентински астролог и парфимер Рене Бјанки за да ги убие своите непријатели. Романот го прикажува и заговорот за враќање на Навара на нејзиниот крал.
Содржина
уредиМаргарита де Валоа се мажи за Анри де Навара со политичка цел да воспостави мир меѓу протестантите и католиците во ерата потресена од верските војни. Бракот на сестрата на Шарл IX е повод за големи прослави во Франција и особено во Париз каде што луѓето се радуваат.
Во оваа прилика, кралот на Навара и адмиралот Де Колињ ги собрале околу себе сите големи водачи на хугенотите и верувале дека мирот е можен.
Но, стапиле во брак две битија кои не се сакаат и од почетокот на романот забележуваме дека секој од младенците има свои други врски. Ако брачната ноќ не е прилика за брачни должности, таа е сведок на политичкиот сојуз на крал и кралица, што ги обединува истата амбиција за моќ.
Политичката верност на Маргарита кон нејзиниот сопруг брзо се докажува додека таа се залага за неговиот живот за време на колежот на Денот на Сен-Вартелемеј, за време на кој Шарл IX ги убил големите протестантски водачи со исклучок принцот од Конде и кралот на Навара .
Расплет
уредиСепак, ужасниот колеж исто така е можност Марго да се сретне со грофот Жозеф Бонифас де ла Мол, протестантски великодостојни кој дошол во Париз да му ги понуди своите услуги на Анри од Навара. Тие имаат врска, но здравјето на кралот Шарл IX се влошува и постои сомневање за заговор. Бидејќи се потребни виновници, љубовникот на Маргарита е уапсен, мачен и егзекутиран.
Извори за романот
уредиГлавните примарни извори со кои располагал Дима за да ги користи за повеста за кралицата Марго биле:
- Дискурс за Маргерит де Валоа, во Животот на славните дами (1590-1600), Брантом;
- Мемоарите на кралицата Маргарит, дело објавено на крајот на 1620-тите и многупати реиздавано;
- Сатиричниот развод на кралицата Маргерит (1663) вклучен во Мемоарите на Агрипа д'Обиње[2];
- Кралицата Маргерита, Жедеон Талеман де Рео (околу 1659 година).
Влијание
уредиРоманот помогнал да се зајакне мрачното предание за Катерина де Медичи и угледот на лекоумност на кралицата Марго.[3]
Поврзано
уредиНаводи
уреди- ↑ Voir préface La Reine Margot, édition de Janine Garrisson, 2005 ISBN 978-2-07-035927-1
- ↑ Article
- ↑ Voir Éliane Viennot (2005). Marguerite de Valois, la reine Margot. ISBN 2262023778.
Надворешни врски
уреди- La reine Margot — Tome I на Проектот „Гутенберг“ (француски)
- La reine Margot — Tome II на Проектот „Гутенберг“ (француски)
- La Reine Margot, English translation at Google Books (Oxford World's Classics, ISBN 0-19-283844-X)
- Google Library 1900 English language edition
Marguerite de Valois аудио книга од јавен домен на LibriVox
