Корисник:Dentedeleone/The Kinks
The Kinks ― англиска рок-група основана во Лондон во 1963 година од браќата Реј и Дејв Дејвис. Тие се сметаат за една од највлијателните рок-групи од 1960-тите.[1] [2] Групата се појавила за време на зенитот на британскиот ритам и блуз и мерсибит, и била дел од британската инвазија на САД додека не добиле забрана за турнеи во 1965 година. Нивниот трет сингл, „You Really Got Me“ напишан од Реј Дејвис,[2] [3] станал меѓународен хит.[4]
Музиката на The Kinks е под влијание на многу музички жанрови како: американскиот R&B и рокенрол, а подоцна под британската фолк и кантри-музика. Групи како: Van Halen, The Jam, The Knack, the Pretenders и the Romantics ги преработиле нивните песни, со што помогнале да се зголеми продажбата на плочи на Kinks. Во 1990-тите, бритпоп-групи како Blur и Oasis навеле дека групата имала големо влијание врз нивната музика. [1]
The Kinks имале пет топ-10 песни на американскиот Билборд Хот 100. Девет нивни албуми се пласирале во топ-40.[5] Во ОК, тие имале седумнаесет топ-20 песни и пет топ-10 албуми.[6] Четири албуми на The Kinks се сертифицирани како златни плочи од Здружението на индустријата за снимање на Америка (RIAA), а групата продала преку 50 милиони плочи во светски рамки. Меѓу бројните почести, ја добиле наградата Ајвор Новело за „Извонредна услуга за британската музика“.[7] Во 1990 година, четирите први членови на The Kinks биле примени во Куќата на славните на рокенролот,[2] [3] а во ноември 2005 година и во Музичката куќа на славата во Обединетото Кралство.
Историја
уредиОсновање (1962–1963)
уредиБраќата Дејвис се родени во предградие на Северен Лондон, најмлади и единствени момчиња меѓу осумте деца на нивното семејство.[7]
Двајцата браќа го посетувале средното училиште Вилијам Гримшо, каде што со нивните соученици Пит Квејф и Џон Старт ја основале групата „Реј Дејвис квартет“. Имале низа водечки вокалисти, вклучувајќи го и Род Стјуарт,[7] уште еден ученик во Вилијам Гримшо,[8] кој со групата настапил барем еднаш на почетокот од 1962 година.[7] Потоа формирал своја група, Rod Stewart and the Moonrakers, кои станале месни конкуренти на Реј Дејвис квартет.[7]
Кон крајот на 1962 година, Реј Дејвис отишол да студира на колеџот за уметност Хорнси.[9] Додека сè уште бил во Квартетот, Реј се приклучил на Дејв Хант Бенд во кој накратко бил вклучен и Чарли Вотс на тапани.[9] Во февруари 1963 година, Дејвис го напуштил Дејв Хант и се приклучил на Хамилтон Кинг Бенд (исто така познат како the Blues Messengers).[9] На крајот на пролетниот семестар, тој го напуштил колеџот Хорнси за да студира филм на лондонското Централно училиште за уметност и дизајн. Тогаш Квартетот го променил своето име во the Ramrods.[9] Во јуни, Хамилтон Кинг Бенд се распаднал, [9] а the Ramrods продолжиле да настапуваат под неколку други имиња, како: the Pete Quaife Band, the Bo-Weevils, пред (привремено) да се одлучат за the Ravens.[3] [7] Групата ангажирала двајца менаџери, Гренвил Колинс и Роберт Вејс, а кон крајот на 1963 година, поранешниот поп-пејач Лери Пејџ станал нивен трет менаџер. Американскиот музички продуцент Шел Талми почнал да работи со групата, а промоторот на Битлси, Артур Хаус, требало да ги закажува настапите во живо на Ravens.[10] Во 1964 година Талми им обезбедил договор со Pye Records. Ravens го поканиле Мик Авори да биде нивен тапанар.[7] Авори имал искуство со џез-тапани и свирел еден концерт со новооснованите Ролинг Стоунс.[7]
Ravens се одлучиле за ново, трајно име: the Kinks.
Почетоци (1964–1965)
уреди
Првиот сингл на The Kinks била преработената песна од Литл Ричард „Long Tall Sally“. Објавен во февруари 1964 година, „Long Tall Sally“ бил речиси целосно игнориран, и покрај трудот на менаџерите на групата. Откако вториот сингл „You Still Want Me“ не успеал да се пласира на топ-листите,[7] Pye Records се заканил дека ќе го поништи договорот со групата ако и нивниот трет сингл не биде успешен.
- ↑ 1,0 1,1 Erlewine, Stephen. „The Kinks Biography on All Music.com“. AllMusic. Посетено на 20 November 2009.
- ↑ 2,0 2,1 2,2 „The Kinks“. Rock and Roll Hall of Fame. 2007. Архивирано од изворникот на 27 June 2018. Посетено на 20 November 2009. Грешка во наводот: Неважечка ознака
<ref>; називот „Hall Bio“ е зададен повеќепати со различна содржина. - ↑ 3,0 3,1 3,2 „The Kinks“. Blender.com. Архивирано од изворникот на 13 July 2010. Посетено на 8 December 2009. Грешка во наводот: Неважечка ознака
<ref>; називот „Blender“ е зададен повеќепати со различна содржина. - ↑ „Charts And Awards“. Allmusic. Посетено на 20 November 2009.
- ↑ „Discography“. Allmusic. Посетено на 25 November 2009.
- ↑ Rogan, Johnny (2004). passim ("Chart Positions" data)
- ↑ 7,0 7,1 7,2 7,3 7,4 7,5 7,6 7,7 7,8 Hinman 2004.
- ↑ Ewbank, Tim; Hildred, Stafford (2005). Rod Stewart: The New Biography. стр. 7. ISBN 978-0-74995027-9.
- ↑ 9,0 9,1 9,2 9,3 9,4 Kitts 2008.
- ↑ Savage 1984.