За домот се работи

За домот се работи — драма од македонскиот драматург Горјан Милошевски.

Содржина уреди

Драмата се состои од шест приказни во кои се обработуваат различни теми: еволуцијата на свеста кај луѓето, револуциите, борбата за слобода, а исто така, таа претставува и критички осврт врз современото македонско општество. Драмата започнува со хуманистичките стремежи на ликовите, а потоа тие ја откриваат нивната деструктивна природа. Во неа се прикажани повеќе историски ликови и епизоди, како: Гаврило Принцип, Солунските атентатори, Кемал Ататурк, Ное, фрлањето на атомската бомбa врз Хирошима итн.[1]

Поставки уреди

Драмата била поставена во Битолскиот театар, а во режија на Мартин Кочовски. Во претставата глумеле: Иван Јерчиќ, Огнен Дранговски, Илина Чоревска, Катерина Аневска, Валентина Грамосли итн. Сценографијата била дело на Валентин Светозарев, костимографијата на Благој Мицевски, а музиката ја напишал Оливер Јосифовски. На 26 септември 2014 година, оваа претстава била прикажана во Скопје, на последниот ден од 39. издание на фестивалот „Млад отворен театар“.[2]

Наводи уреди

  1. „За домот се работи ќе го затвори МОТ“, Утрински весник, број 4594, петок, 26 септември 2014, стр. 18.
  2. „За домот се работи ќе го затвори МОТ“, Утрински весник, број 4594, петок, 26 септември 2014, стр. 18.