Душан Љубисављевиќ
Душан Љубисављевиќ - Дуле (Штип, 29 мај 1974 – Скопје, 23 септември 2013) — македонски пејач, најпознат како член на дуото Дуле и Коки.
| Душан Љубисављевиќ | ||
| Роден | 29 мај 1974 Штип,  Македонија
| |
|---|---|---|
| Починал | 23 септември 2013 Скопје, Македонија | |
| Занимање | пејач | |
Животопис
уредиЉубисављевиќ е роден во Штип на 29 мај 1974 година. Кариерата ја започнал заедно со неговиот другар Никола Јанков во 90-тите години на XX век во штипските кафулиња како тинејџер. По завршувањето на средното образование се преселил во Скопје, со цел повеќе да се афирмира. На јавноста и станува најпознат во 1996 година кога како дел од дуото „Дуле и Коки“ со песната „Виолина и гитара“ победува на „Макфест“. Автори на нумерата, која станала еден од најубавите македонски евергрини, се Александар Митевски (музика и текст) и Валентино Скендеровски.[1] Заедно со Коки во својот репертоар имал над 50 композиции, а неколку од нив, како на пример Виолина и гитара, Мене место не ме фака, Марама, Дај ми шанса и други се сметаат за евергрини. Последните месеци пред смртта Дуле бил ангажиран со својот ресторан Доменика, паралелно работејќи на песните кои требало да се најдат на новиот албум на Дуле и Коки.[2] Починал на 23 септември 2013 година во Скопје.[3]
Наводи
уреди- ↑ „ДУЛЕ ИМ ГИ РЕШАВАШЕ ПРОБЛЕМИТЕ НА СИТЕ ОКОЛУ СЕБЕ И НЕ СЕ ШТЕДЕШЕ“. Архивирано од изворникот на 2016-03-04. Посетено на 2013-09-24.
- ↑ Почина Душан Љубисављевиќ од дуото Дуле и Коки
- ↑ „Почина Душан Љубисављевиќ- пејачот од дуото „Дуле и Коки"“. Архивирано од изворникот на 2013-09-26. Посетено на 2013-09-24.
Надворешни врски
уреди- Збогум за Дуле: Само песна ми затвара рана Архивирано на 28 септември 2013 г. - Нова Македонија