Градиште (Градец, Гостиварско)

За други истоимени места, погледајте Градиште (Градец).

Градиште — археолошко наоѓалиште во гостиварското село Градец, Општина Врапчиште. Претставува градиште од римското време и средниот век. Се наоѓа на западната периферија на селото, каде што се издига висок рид кој од западната страна со долот Сува Река е отсечен од масивот на Шар Планина. Пристапен е единствено од источната страна која е отворена и во помали тераси се спушта кон полето. На долните тераси се забележуваат бедеми ѕидани од кршен камен и варов малтер, а по површината има множество кршен камен, тегули, фрагменти од питоси и керамички садови. Најдени се монети и надгробни стели од бел мермер. Градиштето има извонредна стратегиска положба и се претпоставува дека би можело да се работи за легендарниот град Полог.

Поврзано

• Голема Чешма — црква и некропола среден век;
• Поточане — населба од средниот век;
• Тумба — утврдување од римско време;
• Црквиште — црква и некропола од средниот век;