Горна Црква (Вардино)

Горна Црква — археолошко наоѓалиште во демирхисарското село Вардино. Претставува населба, црква и некропола од средниот век. Се наоѓа на 500 м источно од селото, на падините на селскиот рид. Видливи се остатоци од срушена црква околу која има гробови градени од камени плочи со насоченост исток-запад. Црквата има димензии од 15 × 8 м и е ѕидана од кршен камен и варов малтер. Во апсидата, на местото на чесната трпеза има дел од вертикално поставен мермерен столб. Наоѓалиштето зафаќа површина од околу 1 хектар.

Поврзано

• Плоча — некропола од доцноантичко време;
• Вардино;
• Список на археолошки наоѓалишта во Демирхисарско;