Ворен Џи

Ворен Грифин III (роден 10 ноември, 1970 во Лонг Бич, Калифорнија, САД) попознат како Ворен Џи (Warren G), e американски рапер од Западниот Брег и продуцент на хип-хоп. Негов најголем хит беше синглот „Регулејт“ (Regulate) со Нејт Дог (Nate Dogg) објавен во 1994. Како и повеќето дела на Ворен Џи, синглот беше во стилот на џи-фанк. Тој е полубрат на успешниот музички продуцент Доктор Дре (Dr. Dre).

Ворен Грифин III
Warren G
Животописни податоци
Познат(а) и како	G-Child G-Dub
Роден(а)	10 ноември 1970
Потекло	Лонг Бич, САД
Жанрови	хип-хоп
Занимања	диџеј продуцент
Инструменти	скреч
Период на активност	1991-
Издавачи	Violator Management Def Jam Recordings Restless Records Universal Records G-Funk Entertainment Hawino Records
Соработници	213 Доктор Дре Снуп Дог Нејт Дог
Мреж. место	hawino.com/artists/warren_g Ворен Џи на Myspace

Музичка кариера

Во 1992 година, Ворен Џи ја оформил групата „213“, заедно со Нејт Дог и Снуп Дог. Ворен Џи ја претставил групата на својот полубрат Доктор Дре. Импресионираниот Доктор Дре веднаш го врбувал Снуп Дог да работи за „Дет роу рекордс“, компанијата што ја водел со Шуг Најт. Со тоа, „213“ се распаднала без да објави ниту една песна, а трите уметници започнале поединечни кариери. Иако „Дет роу рекордс“ не потпишала со Ворен Џи, неговата кариера започнала со прилози за албумот на Доктор Дре „Д Кроник“ (The Chronic) објавен во 1992. Ворен Џи се редовно појавувал и на други албуми на оваа компанија.

Во 1993 година Ворен Џи ја продуцирал песната „Индо смоук“ (Indo Smoke) на која биле претставени тој, Нејт Дог и Миста Грим.

Деби-албумот на Ворен Џи, “Регулејт... Џи фанк ера“ (Regulate... G Funk Era) бил објавен во 1994 преку „Деф џем“ (Def Jam) и се прославил со хитот „Регулејт“ (Regulate) во кој е искористен семпл на филмот на Мајкл Мекдоналд (Michael McDonald) „Ај кип форгетин“ (I Keep Forgettin'). Песната „Дис ди-џеј“ (This D.J.) била популарен хит на МТВ.

Дискографија

Албуми

Соло

• Regulate... G Funk Era (1994)
• Take a Look Over Your Shoulder (1997)
• I Want It All (1999)
• The Return of the Regulator (2001)
• The G Files (2009)

Групни

• The Hard Way со „213“ (2004)

Надворешни врски

• Официјалното мрежно место на Ворен Џи
• Ворен Џи на Бодог мјузик Архивирано на 3 јули 2007 г.
• Hip-Hop Radio Stations Online Архивирано на 22 јуни 2007 г.