Википедија:Уредувачки натпревари/Населени места во Егејска Македонија
|
|
|
|
„Населени места во Егејска Македонија“ од 6 март до 5 април 2017 година Уредувачки натпревар на тема „Населени места во Егејска Македонија“ — проект на здружението на граѓани „Споделено знаење“ и Википедија на македонски јазик, кој има за цел да помогне во подобрување на постоечките и создавање на нови статии на тема „Егејска Македонија“. Натпреварот почнува на 6 март 2017 г. во 00:00 ч. и завршува на 5 април 2017 г. во 23:59 ч. по македонско време. Доколку сте заинтересирани за учество, пријавете се подолу (со напатствија). Учесниците во рамките на натпреварот треба да уредуваат статии поврзани со населените места во Егејска Македонија. Бидејќи темата е специфична, ве замолуваме прочитајте во целост оваа страница. Доколку имате некои прашања, поставете ги на страницата за разговор на истава страница, при што ќе бидат одговорени од нашите корисници. Сите статии треба да бидат напишани во склад со начелата и правилата на Википедија, па така сите статии треба да бидат напишани на енциклопедиски стил и да имаат извори. При уредување на натпреварот или по завршувањето на истиот, сите учесници треба да се запишат со кои статии учествувале. Статиите ќе ги прегледува жири, кое ќе биде составено од тројца википедијанци кои не можат да учествуваат на натпреварот. Жирито ќе ја донесе конечната одлука за победникот. Членовите на жирито ќе ги прегледаат сите статии и секоја ќе ја бодуваат поединечно со бодови од 1 до 10. Член на жирито може да даде и оцена 0 доколку смета дека статијата воопшто не ги задоволува условите на натпреварот (на пример, да има различна тема од населените места во Егејска Македонија). На натпреварот не се признаваат статии напишани автоматски, односно со помош на бот. Покрај пишувањето на нови статии, учесниците имаа прилика и значајно да прошират постоечка статија (никулец), при што жирито ќе оценува колкав е новиот дел и бодовите ќе бидат доделени за тој дел. Победникот на натпреварот ќе биде учесникот кој ќе собере најмногу бодови, како и ќе напише статии подобни за другите награди, кои ќе се бодуваат засебно. Во натпреварот имаат можност да учествуваат сите регистрирани корисници на Википедија на македонски јазик освен членовите на жири-комисијата, а за најдобрите учесници се обезбедени награди. Список на натпреварувачиуредиДодајте го своето име доколку сакате да учествувате, користејќи тараба и четири тилди (~). Воедно, пријавете и на страницата „Евиденција“ наведена погоре, каде што ќе создадете и своја лична страница за следење на Вашите придонеси.
Предлози за статииуреди
МатеријалиуредиЗа потребите на натпреварот обезбедена е книгата „Населените места во Егејска Македонија“ од Тодор Христов Симовски (при наведување користете ја предлошкава: Предлошка:НМЕМ) во дигитализиран облик, која сите заинтересирани корисници кои сакаат да уредуваат за овој натпревар, нека се обратат на корисникот Ehrlich91 преку електронска пошта (toni91ehrlich@gmail.com) со цел добивање на изданието. Книгата ќе биде првичен извор на материјал за уредување на сите населени места во Егејска Македонија. Бидејќи е од 1998 година, многу делови за административната состојба во однос на тоа каде припаѓаат селата најчесто не се совпаѓаат со новите состојби, поради што напоменуваме дека треба да се следат административните граници како што е на предлошката „Егејска Македонија“. При создавање на нова статија, особено при вметнување на инфокутија во новосоздадената статија, како и за вметнување на инфокутија во досегашните статии, користете ја предлошката Предлошка:Инфокутија Место во Грција. Покрај материјалот од книгата, учесниците може да уредуваат и користејќи материјали од другите јазични изданија на Википедија (главно Википедија на бугарски јазик), при што треба да се внимава на изнесените податоци во нивните статии во поглед на изјаснувањето на националноста на населението од селата во Егејска Македонија (поради што треба да се користи предлошката Предлошка:БИМ). Членови на жиритоуреди
НаградиуредиНаградите за овој натпревар се предвидени да бидат вредносни купони за техничка стока или книги/материјали по избор на добитникот. На натпреварот ќе се доделат три награди за најдобрите тројца уредници, кои ќе бидат прогласени по оценувањето на статиите од страна на жири-комисијата. Награда ќе биде доделена и за најдобрата статија, која исто така ќе биде прогласена од страна на жири-комисијата. Посебна награда ќе биде доделена за корисникот кој ќе напише „статии за населени места во најмногу денешни општини“ (предвид се земаат сите статии што ќе бидат оценети со просечна оценка од најмалку 2,0 од страна на членовите на жири-комисијата). I наградауредиВредносен купон во вредност од 12.000 денари. II наградауредиВредносен купон во вредност од 6.000 денари. III наградауредиВредносен купон во вредност од 3.000 денари. Награда за најдобра статијауредиВредносен купон во вредност од 5.000 денари. Посебна наградауредиВредносен купон во вредност од 5.000 денари. РезултатиуредиСписокот на оценети статии е достапен на страницата со евиденција. Во табелата во продолжение се рангирани учесниците врз основа на збирниот резултат на оценките доделени од страна на членовите на жири-комисијата.
|
