Википедија:Уредувачки натпревари/Македонска енциклопедија

Уредувачки натпревар на тема „Македонска енциклопедија“   од 3 август до 2 септември 2020 година   Уредувачки натпревар на тема „Македонска енциклопедија“ — проект на здружението на граѓани „Споделено знаење“ и Википедија на македонски јазик, кој има за цел да помогне во подобрување на постоечките и создавање на нови статии на тема „Македонска енциклопедија“. Натпреварот почнува на 3 август 2020 г. во 00:00 ч. и завршува на 2 септември 2020 г. во 23:59 ч. по македонско време. Доколку сте заинтересирани за учество, пријавете се подолу (со напатствија). Учесниците во рамките на натпреварот се поттикнуваат да уредуваат постојни статии, но и да создаваат нови статии на теми застапени во Македонската енциклопедија. Сите статии треба да бидат напишани во склад со начелата и правилата на Википедија, па така сите статии треба да бидат напишани на енциклопедиски стил и да имаат извори. При уредување на натпреварот или по завршувањето на истиот, сите учесници треба да се запишат со кои статии учествувале. Статиите ќе ги прегледува жири, кое ќе биде составено од тројца википедијанци кои не можат да учествуваат на натпреварот. Жирито ќе ја донесе конечната одлука за победникот. Членовите на жирито ќе ги прегледаат сите статии и секоја ќе ја бодуваат поединечно со бодови од 1 до 10. Член на жирито може да даде и оцена 0 доколку смета дека статијата воопшто не ги задоволува условите на натпреварот (на пример, да биде создадена нова страница, или правење ситни подобрувања на некоја статија). На натпреварот не се признаваат статии напишани автоматски, односно со помош на бот. Победник на натпреварот ќе биде учесникот кој ќе собере најмногу бодови, како и ќе напише статии подобни за другите награди, кои ќе се бодуваат засебно. Во натпреварот имаат можност да учествуваат сите регистрирани корисници на Википедија на македонски јазик освен членовите на жири-комисијата, а за најдобрите учесници се обезбедени награди. Список на натпреварувачи Евиденција Додајте го своето име доколку сакате да учествувате, користејќи тараба и четири тилди (~). Воедно, пријавете и на страницата „Евиденција“ наведена погоре, каде што ќе создадете и своја лична страница за следење на Вашите придонеси. Тиверополник P.Nedelkovski Chnitke BlueEagle1 DD1997DD Членови на жирито Kiril Simeonovski (Ж1) Ehrlich91 (Ж2) Инокентиј (Ж3) Станете член на жирито за следните уредувачки натпревари, преку испраќање порака на корисникот Ehrlich91. Материјали за користење „Македонска енциклопедија (том 1, А-Љ)“. Македонска академија на науките и уметностите. Скопје. 2009. ISBN 978-608-203-023-4; 978-608-203-024-1. „Македонска енциклопедија (том 2, М-Ш)“. Македонска академија на науките и уметностите. Скопје. 2009. ISBN 978-608-203-023-4; 978-608-203-024-1. За полесно користење на изворот од енциклопедија има создадено предлошка со назив {{МакЕнц}}. (Предлошка:МакЕнц) Награди Наградите за овој натпревар се предвидени да бидат вредносни купони за техничка опрема. Наградите ќе бидат купени по завршувањето на уредувачкиот натпревар во вид на ваучери од продавница со седиште во Македонија. Доколку сакате ваучер од специфична продавница, наведете по завршувањето или за време на траењето на натпреварот. Одбраните корисници на наградите треба да си ги подигнат наградите во просториите на Споделено знаење, во зградата на Сивус Бизнис Инкубатор во Скопје. (доколку е возможно, согласно последните состојби со пандемијата) На натпреварот ќе се доделат три награди за најдобрите тројца уредници, кои ќе бидат прогласени по оценувањето на статиите од страна на жири-комисијата. Награда ќе биде доделена и за најдобрата статија, која исто така ќе биде прогласена од страна на жири-комисијата. Награда ќе биде доделена и за најдобриот нов учесник, односно корисник кој претходно не учествувал на уредувачките натпревари. Посебна награда ќе биде доделена за корисникот кој ќе уреди „најмногу биографски статии“ (предвид се земаат сите статии што ќе бидат оценети со просечна оценка од најмалку 2,0 од страна на членовите на жири-комисијата). Секој учесник има право на најмногу две награди во сите категории. Важно: За да се освои било која награда, потребно е да се создадат или подобрат најмалку 30 статии. I награда Вредносен купон во вредност од 12.000 денари. II награда Вредносен купон во вредност од 6.000 денари. III награда Вредносен купон во вредност од 3.000 денари. Награда за најдобра статија Вредносен купон во вредност од 5.000 денари. Награда за најдобар нов учесник Вредносен купон во вредност од 2.000 денари. Посебна награда Вредносен купон во вредност од 3.000 денари. Резултати Списокот на оценети статии е достапен на страницата со евиденција. Во табелата во продолжение се рангирани учесниците врз основа на збирниот резултат на оценките доделени од страна на членовите на жири-комисијата. Број Корисник Збирен резултат 1 Тиверополник 1.154 2 P.Nedelkovski 276 3 Chnitke 252 4 BlueEagle1 38 Награда за најдобра статија „Свети Климент Охридски“ од Тиверополник со просечна оценка 9,0. Награда за најдобар нов учесник Наградата не е доделена. Посебна награда Наградата не е доделена.