Википедија:Означени ревизии

Оваа страница документира официјално начело на македонската Википедија, општоприфатен стандард што сите уредувачи треба да го следат. Ако ја уредувате оваа страница, Ве молиме прво уверете се дека за Вашата промена постои консензус. Ако се двоумите, прво дискутирајте на страницата за разговор.

Означени ревизии (англиски: flagged reviews) е име на техничка можност на МедијаВики која по барањето на вики-заедницата стана достапна за овој проект, почнувајќи од 24 април 2010. Ова начело се однесува на нејзината употреба.

Технички одлики

Техничките одлики на означените ревизии се опишани во Помош:Проверка на страница.

Оценување

Одредени корисници во кои вики-заедницата има доверба (уредувачи и оценувачи) можат јасно да ги означуваат различните верзии на страниците во:

• главниот именски простор,
• категориите,
• предлошките и
• податотеките

и да покажат дека тие се прегледани и дека задоволуваат одредени критериуми. Зависно од квалитетот на содржината, прегледаните верзии на овие страници можат да бидат проверени или квалитетни.

Проверена верзија

Проверената верзија () на страницата не содржи очигледен вандализам или други, исто така очигледни, несоодветни содржини.

Проверени статии

Проверените статии треба задолжително да ги исполнуваат следниве критериуми:

1. Отсуство на очигледен вандализам;
2. Отсуство на јасен напад против живи личности;
3. Отсуство на јасно нарушување на авторското право — копирање на заштитени текстови без дозвола;
4. Отсуство на очигледна пристрасност (Битола е најубавиот град во Македонија.)
5. Отсуство на очигледно рекламирање, самопромовирање, пропаганда и други знаци на јасна злоупотреба на Википедија;
6. Присуство на најосновно вики-форматирање:
   1. Задебелен наслов на почетокот и најосновно, воведно енциклопедиско дефинирање на темата (на пример: „Запирка (,) е интерпункциски знак.“ или „Том Круз е американски глумец и филмски продуцент.“);
   2. Правилна структура на пасуси (почнувајќи со ==Наслови од второ ниво ==) и правилен редослед на пасусите (на пример, наводите пред надворешните врски);
   3. Присуство во најмалку една родителска категорија од категорискиот систем;
   4. Меѓујазични врски (ако постојат за дадената тема);
   5. Ознаки соодветни за содржината (ако има потреба од нив) — {{без извори}}, {{малку извори}}, {{викифицирање}} и др.

Следниов критериум не е задолжителен, но е пожелен:

1. Отсуство на правописни, граматички и стилски грешки во текстот.

Права за оценување