Бошко Бабиќ (16 јануари 1924, Босанска Градишка 11 јануари 1998, Прилеп, Македонија) — македонски археолог[1].

Бошко Бабиќ
Роден 16 јануари 1924
Босанска Градишка,  Кралство Југославија
Починал 11 јануари 1998
Прилеп,  Македонија
Националност Македонец, србин,
Занимање археолог
Деца Марин Бабиќ

Животопис уреди

Дипломирал историја на уметноста во Белград (1955), а докторирал на Универзитетот во Лублин, Полска (1980). Основач на Народен музеј во Прилеп и негов директор (1955–1980). Основач и директор на Институтот за старословенска култура во Прилеп (1980–1989). Организира повеќе ликовни колонии (вајарство во дрво и мермер). Уредник на списанието за култура „Стремеж “. Претседател на САДЈ (1972–1976). Основач на МАНД (1970) и негов прв претседател. Воспоставува соработка со археолошки и со конзерваторски институции од Полска.

Творештво уреди

Во долгогодишната научно-истражувачка активност зад себе оставил голем број на стручни трудови. Добитник бил на голем број домашни и меѓународни награди, признанија и ордени. Покрај делувањето во струката, учествувал во севкупниот културен живот во Прилеп и пошироко. Активно учествувал во работата на списанието „Стремеж” , како долгогодишен член на редакцијата и во еден период и како негов главен уредник. Бошко Бабиќ бил и прв претседател на театарските игри “Војдан Чернодрински”. Автор бил на повеќе филмски и телевизиски сценарија, елаборати и проекти.

Во рамките на меѓународниот проект “Енциклопедија на раната историја на Европа” тој бил координатор за СФР Југославија.[2]

Наводи уреди

  1. [ http://promacedonia.org/mak_enc/encyclopaedia_macedonica_1.pdf / Бошко Бабиќ]
  2. „БОШКО БАБИЌ, ЖИВОТ И ДЕЛО“. Архивирано од изворникот на 2020-08-14. Посетено на 2020-08-11.

Надворешни врски уреди