Боце Перески

Боце Перески (Стровија, 22 август 1933) — македонски воен генерал.

Боце Перески
Роден	22 август 1933 Стровија
Занимање	генерал-мајор

Животопис

Перески е роден на 22 август 1933 година во село Стровија, Прилепско, во земјоделско семејство од мајка Воња и татко Илија. Основно образование завршил во родното село, кое го завршил во 1946 година, а Офицерско воено хемиско училиште завршил во 1952 година. Школа за усовршување, од областа на атомска, хемиска и биолошка одбрана (АБХО) завршил во Крушевац, Р. Србија, во 1964 година, Командно-штабна академија на Копнената војска на ЈНА во 1968 година, а Школа за народна одбрана завршил во 1973 година.

Унапредувања

• Потпоручник (1952)
• Поручниик (1955)
• Капетан (1959)
• Капетан I класа (1962)
• Мајор (1968)
• Потполковник (1973)
• Полковник (1978)
• генерал-мајор (1987)

Должности

Во својата кариера како армиски офицер, службувал главно во Р Македонија, како припадник на ЈНА и како припадник на македонската армија по нејзиното создавање, па така, службата ја започнал во гарнизонот Скопје во 1952 година, а неколку месеци подоцна веќе се преселил во гарнизонот Куманово (1952 – 1969 ), по што, повторно се враќа на служба во гарнизонот Скопје (1969 - 1973), па одново Куманово, од 1973 до 1974 година и како последна станица во кариерата, одново гарнизон Скопје, од 1974 година, па сè до неговото пензионирање во 1993 година. Во текот на службата извршувал повеќе должности:

• Командир на вод (1952 - 1955);
• Помошник на командир на чета (1956 - 1960);
• Командир на вод за АБХО и началник за АБХО во полк (1960 - 1962);
• Командир на чета за АБХО (1962 - 1968);
• Началник за АБХО во пешадиска дивизија (1968 - 1970);
• Командант на баталјон за АБХО (1970 - 1973);
• Началник за АБХО во 3. Воена област (1974 - 1981);
• Командант на Штаб за територијална одбрана на град Скопје (1981 - 1985);
• Командант на Командата за одбрана на град Скопје (1985 - 1986);
• Началник на Републички штаб за територијална одбрана на Р Македонија (1986 - 1988);
• Помошник на командантот за морално воспитување во командата на 3. Воена област (1988 - 1991);

Награди

• Медал за воени заслуги, 1955 година;
• Орден за воени заслуги со сребрени мечеви, 1961 година;
• Орден на Народната армија со сребрена ѕвезда, 1973 година;
• Орден за воени заслуги со златни мечеви, 1978 година;
• Орден на Народната армија со златна ѕвезда, 1984 година;
• Орден на братството и единството со сребрен венец, 1987 година.

Семејство

Со сопругата Митра е во долгогодишен брачен живот, а татко е и на две деца, ќерка Светлана (1957) и син Владан (1965).