Боривое Џимревски
Боривое Џимревски (понекогаш запишан како Боривоје Џимревски; 27 април 1940 во Куманово — 26 септември 2011) — македонски етномузиколог и етноорганолог.[1]
| Боривое Џимревски | ||
| Роден | Боривое Тодоров Џимревски 27 април 1940 Куманово, Кралство Југославија | |
|---|---|---|
| Починал | 26 септември 2011 (возр. 71) | |
| Националност | Македонец | |
| Занимање | етномузиколог, етноорганолог | |
Животопис уреди
Дипломирал на Музичката академија во Белград во 1967 година. Еден период работел во Радио Скопје (1967-1974). Потоа, во 1974 година се вработил во Институтот за фолклор „Марко Цепенков“ како асистент-истражувач на народните музички инструменти и инструменталната народна музика. Докторирал во 1992 година со темата „Гајдата во Македонија, инструмент - инструменталист - музика“.
Напишал над 40 стручни трудови со кои учествувал на повеќе меѓународни конгреси и симпозиуми. Извршил обемни теренски истражувања што резултирале со над 4.000 снимени записи, 1.678 мелографии и 1.265 оригинални фотографии. Објавил неколку книги.
Бил раководител на монографскиот проект „Фолклорот во Куманово и Кумановско“ во 2000 година.
Џимревски дал значаен придонес во организирањето на повеќе фолклорни фестивали, смотри, семинари и предавања.
Починал на 26 септември 2011 година.[2]
Наводи уреди
- ↑ Ристовски, Блаже, уред. (2009). „Џикова“. Македонска енциклопедија. , книга II (М-Ш). Скопје: МАНУ. стр. 1640. Text "series " ignored (help)
- ↑ „Македонски фолклор“ (PDF). Институт за фолклор „Марко Цепенков“. Посетено на 29 ноември 2023.